कपिलवस्तु नगरपालिकाका विद्यालयमा असोज ११ देखि पठनपाठन सुरु गरिने

ई-साझाकुरा, असोज ९

कपिलवस्तु नगरपालिकाले विद्यालयमा सिकाई केन्द्र मार्फत् पठनपान सुरु गर्ने निर्णय गरेको छ । नगर शिक्षा समितिको निर्णय अनुसार स्वास्थ्य तथा जनसंख्या मन्त्रालयले निर्धारण गरेको स्वास्थ्य प्रोटोलकको पालना गरी विद्यालयमा सिकाई केन्द्र सञ्चालन गरी पठनपाठन सुरु गर्ने निर्णय गरिएको हो ।
यो निर्णयसँगै नगर क्षेत्रमा रहेका सरकारी तथा निजी विद्यालय गरी कुल ८३ विद्यालयमा लर्निङ सेन्टरको माध्यमबाट असोज ११ गतेबाट पठनपाठन सुरु हुने नगरपालिकाका निमित्त प्रमुख प्रशाकीय अधिकृत हरि प्रसाद ज्ञवालीले बताए ।
कोभिड–१९ का कारण लामो सयमदेखि बन्द भएको विद्यालयमा प्रविधिको पहुँच अभावले भर्चुअल कक्षा सञ्चालन गर्न कठिनाई भएकाले निर्देशिका अनुसार विद्यालमया लर्निङ सेन्टरमार्फत् पढाई सुरु गरिने उनले बताए ।

‘बिद्यार्थी र बिद्यालयको अवस्था बिश्लेषण गर्दा हामीले बिद्यालमया लर्निङ सेन्टरको माध्यमबाट पढाई सुरु गर्ने निर्णय गरेका हौ’, उनले भने । स्व. सिकाई र स्व. अध्ययनमा जोड दिन बढीमा एक समूहमा २५ जना बिद्यार्थीहरु सेन्टरमा रहने बताइएको छ ।

भौतिक दूरी, स्वास्थ्य सुरक्षाको पालना गरी साप्ताहिक रुपमा समयतालिका प्रकाशन गरी सेन्टरमा पढाइने भएको छ । भर्ना अभिलेखीकरण, स्थातान्तरणका लागि असोज दोश्रो सातासम्मको समयावधि दिइएको नगरपालिका शिक्षा शाखाका प्रमुख युवराज भुसालले बताए ।

नगरपालिकामा पठनपाठन सञ्चालन गर्ने विषयमा सरकारी र निजी बिद्यालयका प्रअसंग छलफल समेत गरिएको थियो । नगरप्रमुख किरण सिंहले सराकारवाला सबैसंग आवश्यक छलफल, समन्वय गरी बिद्यालयमा लर्निङ सेन्टरको माध्यमबाट पढाई सुरु गर्न लागेको बताए ।

186

प्रतिक्रिया

खबर सबै

चक्रवातको प्रभाव : कपिलवस्तु सहित लुम्बिनीका सात जिल्ला प्रभावित हुने सम्भावना

लुम्बिनी प्रदेश सबै

लुम्बिनी प्रदेशका सभामुखसहित पाँच जनालाई जालसाजी मुद्दा

साझा अपडेट

MENU