कोरोनाका कारण कपिलवस्तुमा एकैदिन दुईको मृत्यु ।। मृतकको संख्या ९ पुग्यो

भदौ २९ कपिलवस्तु ।
कोरोना भाइरसको संक्रमणको कारण कपिलवस्तुका दुई जनाको एकैदिन मृत्यु भएको छ । लुम्बिनी प्रादेशिक अस्पतालको कोरोना विशेष अस्पताल बुटवल र भीम अस्पताल भैरहवामा उपचार गराइरहेका दुई जनाको मृत्यु भएको जिल्ला स्वास्थय कार्यालय कपिलवस्तुले जनाएको छ । मृतक दुबैजना शिवराज नगरपालिका ५ का रहेको बताइएको छ ।
भीम अस्पतालमा उपचाररत व्यक्ति ५८ वर्षीय पुरुष हुन् भने बुटवलमा उपचाररत शिवराज ५ कै ४७ वर्षीया महिला हुन्।
भीम अस्पतालमा उपचार गराइरहेका पुरुषमा दमको समस्या थियो । उनको राती १०ः२६ बजे मृत्यु भएको भीम अस्पतालका सूचना अधिकारी डा नारायण पोख्रेलले जानकारी दिनुभयो ।
यस्तै शिवराजकै ४७ वर्षीया महिलाको उपचारको क्रममा सोमबार बिहान साढे ४ बजे मृत्यु भएको अस्पतालका कोरोना श्रोत व्यक्ति डा सुदर्शन थापाले जानकारी दिए।
मृतक महिला मृगौलाको डायालाइसिस् गराउँदै आएकी थिइन्। उनको आइसीयूमा उपचार जारी रहेकोमा रातीदेखि अवस्था गम्भीर भएको र बिहान मृत्यु भएको अस्पतालका सूचना अधिकारी डा विष्णु गौतमले जानकारी दिनुभयो ।
उहाँका अनुसार कोरोना विशेष अस्पतालमा सोमबारसम्म १७ जना आइसीयूमा र १ जनाको भेन्टिलेटरमा राखेर उपचार भइरहेको छ। यससंगै कपिलवस्तुमा कोरोनाबाट मृत्यु हुनेको संख्या ९ पुगेको छ ।

130

प्रतिक्रिया

खबर सबै

भोटेकोसी बाढीपछि ५९० विदेशी नागरिक सम्पर्कविहीन, कुन देशका कति ?

लुम्बिनी प्रदेश सबै

दैवीप्रकोप उद्धार कोषमा लुम्बिनी सरकारको तीन करोड सहयोग

साझा अपडेट

MENU