यूएफा नेसन्स लिगमा क्रोएसियामाथि पोर्चुगलको शानदार जित

साबिक विजेता पोर्चुगलले यूएफा नेसन्स लिगको पहिलो खेलमा क्रोएसियामाथि शानदार जित निकालेको छ । गएराति भएको लिग ‘ए’ समूह–३ को खेलमा झन्डै १० महिनापछि मैदानमा फर्किएको प्रतियोगिताको साविक विजेता पोर्चुगलले एकपक्षीय प्रदर्शन गर्दै विश्वकपको उपविजेता क्रोएसियालाई ४–१ गोल अन्तरले पराजित गरेको हो । सोही समूहको अर्को खेलमा फ्रान्सले स्विडेनलाई १–० ले हराएको छ । गएराति नै भएको अर्को खेलमा आइसल्याण्डलाई १–० गोल अन्तरले हराउँदै इंग्ल्यान्डले विजयी सुरुवात गरेको छ । जितसँगै लिग ’ए’ समूह–२ मा इंग्ल्यान्डले ३ अंक जोडेको छ । सोही समूहको खेलमा बेल्जियमले डेनमार्कलाई २–० ले हराएको छ । गत विश्वकपको सेमिफाईनल खेलेको बेल्जियमले डेनमार्कबिरुद्ध सहज जित निकालेको हो । यसैगरी गएराति नै भएका अन्य खेलहरुमा लिग ‘सी’ समूह–२ मा नर्थ म्यासेडोनियाले अर्मेनियालाइ २–१ ले पराजित गर्दा सोही समूहको अर्को खेलमा जर्जियाले इस्टोनियालाई १–० ले हराएको छ ।लिग ‘डी’ समूह –२ को खेलमा ज्रिबाल्टारले सान मारिनोलाई १–० ले हराएको छ ।सी’ समूह–१ अन्तर्गत भएको खेलमा लक्जेमवगले अजरवैजानलाई २–१ ले पराजित गर्दा सोही समूहको अर्को खेलमा मोन्टेनेग्रोले साइप्रसलाई २–० ले पराजित गरेको छ ।

176

प्रतिक्रिया

खबर सबै

चक्रवातको प्रभाव : कपिलवस्तु सहित लुम्बिनीका सात जिल्ला प्रभावित हुने सम्भावना

लुम्बिनी प्रदेश सबै

लुम्बिनी प्रदेशका सभामुखसहित पाँच जनालाई जालसाजी मुद्दा

साझा अपडेट

MENU