रोल्पा बन्यो कोरोना मुक्त

भदौ १६ रोल्पा
आजबाट रोल्पा कोरोना सङ्क्रमणमुक्त जिल्ला भएको छ । रुन्टीगढी गाउँपालिकाका एक सङ्क्रमित डिस्चार्ज भएर घर गएसंगै कोरोना सङ्क्रमितको संख्या शुन्य भएको हो ।

जिल्लामा रहेको अस्थायी आईसोलेशन केन्द्रले गएराती विज्ञप्ति निकाल्दै पहिलो सङ्ंक्रमित भेटिएको ८२ औ दिनमा १ जना ब्यक्ति कोरोना भाईरसबाट मुक्त भई डिस्चार्ज भएको जानकारी गराउदै अब जिल्लामा सङ्क्रमित नभएको बताएको छ ।

गत जेठ २९ गते ३ जनामा सङ्ंक्रमण देखिएसंगै जलजलन बहुमुखी क्याम्पसमा तयार गरिएको अस्थायी आईसोलेशन केन्द्र ७५ जना सङ्क्रमितलाई राखेको थियो ।

सङ्क्रमित शुन्य भए पनि जिल्ला कोभिड संकट ब्यबस्थापन समितिको निर्णय अनुसार अस्थायी आईसोलेशन केन्द्रलाई चौबिसै घण्टा तयारी अबस्थामा राखिने प्रमुख जिल्ला अधिकारी नरेन्द्र कुमार रानाले जानकारी दिनुभयो ।

उहाँका अनुसार अहिले सम्म जिल्लामा २ हजार ४ सय ४९ जनाको स्वाब संकलन गरिएकोमा २ हजार ३ सय ९१ जनाको परिक्षण गरिएको बताउनुभयो ।