सोसियल मिडियाबारे डा.भट्टराईका पाँच प्रतिबद्धता

भदौ,१५ कपिलवस्तु।
जनता समाजवादी पार्टी (जसपां) का नेता तथा पूर्व प्रधानमन्त्री डा। बाबुराम भट्टराईले सोसियल मिडियाबारे केही प्रतिबद्धता जनाउनुभएको छ । उहाँले ट्वीट गर्दै पाँच कुरामा आफ्नो प्रतिबद्धता रहेको उल्लेख गर्नुभएको हो ।
उहाँले भन्नुभएको छ, १। मेरो प्रतिबद्धता, अरूबाट सिक्ने,आफुले जानेको बाँड्ने । २। सत्य र न्यायको पक्षमा उभिने । ३। शोषित र उत्पीडित विभेदमा परेकाहरूको पक्षमा पैरवी गर्ने । ४। जाइनलाग्ने,आइलाग्नेलाई नछोड्ने । ५। बुझेर बुझ पचाउने ठग र नबुझ्ने बुझ्न नचाहने मूर्ख देखि टाढै बस्ने ।

सामाजिक सञ्जालमा पछिल्लो समय व्यक्तिसँग व्यक्तिगत स्तरमै आरोप–प्रत्यारोप हुने गरेको छ। भट्टराईले पनि पछिल्लो समय चलिरहेको अवस्थालाई इंगित गर्दै यस्तो टिप्पणी गर्नुभएको हो ।