दाङमा सवारी साधनमा जोरबिजोर प्रणाली सुरु

भदौ ११ दाङ,।

दाङमा आजदेखि सार्वजनिक तथा निजी सवारी साधनमा जोरबिजोर प्रणाली लागु भएको छ । कोरोना संक्रमणको जोखिम बढ्दै गएको अवस्थामा जोखिम न्युनिकरणका लागि जिल्लामा आजदेखि सार्वजनिक सवारी साधनमा जोर बिजारो प्रणाली लागु भएको हो ।

नियमानुसार आज ११ गते बिजोर नम्बरका सार्वजनिक सवारी साधान संचालनमा आउने भएका छन् । जिल्ला संकट व्यवस्थापन केन्द्र (सिसिएमसी)को मंगलबार बसेको बैठकले जिल्लामा कोरोना रोकथामका लागि सार्वजनिक सवारीमा जोर बिजोर प्रणाली लागु गर्ने र आजदेखि रातीको समयमा निशेधाज्ञाको घोषणा गरेको छ ।

साँभ ७ बजेदेखि विहान ५ बजेसम्म पूर्णरुपमा हिडडुल गर्न निषेध गरिएको जिल्ला संकट व्यवस्थापन केन्द्रका संयोजक एवं प्रमुख जिल्ला अधिकारी गोविन्दप्रसाद रिजालले जानकारी दिनुभयो । साथै मास्क नलगाएर हिड्ने जोकोहितलाई पनि कार्वाही गर्न उहाँले बताउनुभयो ।

जिल्लामा स्वास्थ्य कर्मीदेखि सुरक्षा कर्मी र बैंकका कर्मचारीलाई समेत कोरोना देखिएको छ भने समुदाय स्तरमा समेत कोरोना देखिएको जिल्ला स्वास्थ्य कार्यालयले जनाएको छ । जिल्ला स्वास्थ्य कार्यालयका फोकल पर्सन कमल चन्दले आम नागरिकलाई सचेत हुन समेत आग्रह गर्नुभएको छ । ( दाङ खबरबाट )