कांग्रेस नेता गोविन्द रञ्जितको कोरोना संक्रमणका कारण मृत्यु

जानकारी अनुसार काठमाडौं महानगरपालिका-२१ का सभापति ६७ वर्षीय रञ्जितको मंगलबार दिउँसो १२ बजेर १७ मिनेट जाँदा मृत्यु भएको हो ।

कोरोना पुष्टि भएसँगै गत साउन ३२ गते उनलाई अस्पतालको आईसीयूमा भर्ना गरिएको थियो । उनको स्वास्थ्यमा थप समस्या भएपछि भेन्टिलेटरमा उपचार भइरहेको थियो ।

कोरोना संक्रमणबाट उनको निधनप्रति नेपाली कांग्रेसका सभापति शेरबहादुर देउवाले दुःख व्यक्त गर्नुभएको छ ।