कोरोना महामारीलाई ध्यान दिदै क्यानले गर्‍यो राष्ट्रिय पुरुष क्रिकेट टीमको कोरोना बीमा

ई-साझाकुरा, भदौ ६

नेपाल क्रिकेट संघ (क्यान)ले राष्ट्रिय पुरुष क्रिकेट टिमका खेलाडीको कोरोना बीमा गरेको छ ।

क्यानले खेलाडीसंगै कीर्तिपुरस्थित त्रिवि मैदानका १६, मुलपानी क्रिकेट मैदानका ६ र क्यान अफिसमा कार्यरत ६ कर्मचारी गरी ५१ जनाको कोरोना बीमा गरेको हो ।

यस्तै दोस्रो चरणमा महिला खेलाडीको कोरोना बीमा गरिने क्यानले जनाएको छ । त्यसको लागि क्यानले महिला खेलाडीको आवश्यक कागजात जुटाउन समेत सुरु गरिसकेको छ ।

कोरोनाको कारण लामो समयबाट क्रिकेट खेलाडीहरुले प्रशिक्षण गर्न पाएका छैनन् । क्यानले भदौ १ गतेबाट गर्ने भनिएको राष्ट्रिय टिमको प्रशिक्षण समेत स्थगित गरिसकेको छ ।

यस्तै कोरोनाको संक्रमण बढेपछि राष्ट्रिय खेलकुद परिषद् ९राखेप० ले सम्पूर्ण खेलकुद गतिविधि अनिश्चितकालका लागि बन्द गरिसकेको छ ।