शुक्रबार अर्घाखाँचीमा एक जनामा कोरोना पुष्टि

ई–साझाकुरा, भदौ ५

अर्घाखाँचीमा शुक्रबार थप १ जनामा कोरोना भाईरस संक्रमण पुष्टि भएको छ । जिल्लाको शितगंगा नगरपालीकाका एक जनामा कोरोना संक्रमण देखिएकोे हो । उनको अहिले भैरहवामा उपचार भैरहेको जिल्ला प्रशासन कार्यालय अर्घाखाँचीले जनाएको छ ।

यो संगै जिल्लामा कोरोना संक्रमितको संख्या ३३१ पुगेको जिल्ला प्रशासन कार्यालय अर्घाखाँचीले जनाएको छ । संक्रमितमध्ये हालसम्म ३२४ जना निको भएर घर फर्किएका छन् भने ४ जनाको विभिन्न आईसोलेशनमा उपचार भैरहेको छ ।

कोरोना संक्रमणका कारण शितगंगा नगरपालीका, भुमिकास्थान नगरपालीका र मालारानी गाउँपालीकाका १/१ जना गरी जम्मा ३ जनाको मृत्यु भैसकेको छ । यसैबिच शुक्रबार दिउँसोसम्म १६८ जना व्यक्तिहरु जिल्लाका बिभिन्न क्वरेन्टीनमा रहेका छन् । पछिल्लो २४ घण्टामा भुमिकास्थान नगरपालीकाको क्वरेन्टीनबाट ३ जना डिस्चार्ज भएको जिल्ला प्रशासन कार्यालय अर्घाखाँचीले जनाएको छ ।

Post Views: 2