सिन्धुपाल्चोकको पहिरो : २८ को शव भेटियो, ११ जना अझै बेपत्ता

पहिरोमा परेर ९ जना बेपत्ता भएका थिए। बुधबार एक बालक र २ महिलाको शव फेला परेको ईलाका प्रहरी कार्यालय जलविरेकाप्रहरी निरीक्षक हरि भट्टराईले जानकारी दिए। ४२ वर्षाीया जिबिरानी दोङ, ५ वर्षका सानुकान्छा दोङ र १८ वर्षकी ललिता दोङको शव फेला परेको हो। योसँगै पहिरोमा ज्यान गुमाउनेको संख्या २८ पुगेको छ।

शव फेला पारिएकामध्ये १५ जना पुरूष र १३ महिला छन्। तीमध्ये बालबालिकामात्रै १४ जना छन्। पहिरोमा हराइरहेकाहरूको खोजीमा नेपाली सेना, नेपाल प्रहरी गरि ६६ जना र स्थानीयबासीहरू जुटेका छन्। एक्साभेटर ल्याउन सकिने अवस्था नरहेकाले पिक, साबेल र कोदालोका भरमा खोजी कार्य भइरहेको प्रमुख जिल्ला अधिकारी उमेशकुमार ढकालले जानकारी दिए।