पावर कृषि स्मार्ट गाउँमा कृषक पाठशाला बैठक सम्पन्न

साउन २८ कपिलवस्तु
पावर कृषि स्मार्ट गाउँको कृषक पाठशाला बैठक आज शितगंगा नगरपालिकाको वडा नम्बर १४ पावरमा सम्पन्न भएको छ । केही महिना अघि देखि स्मार्ट कृषक गाउँको रुपमा स्थापित पावरमा अहिले स्मार्ट किसिमले कृषिको काम भईरहेको छ भने नागरिकहरुको कृषि कर्म पनि स्मार्ट बन्दै गएको छ । आज सम्पन्न कार्यक्रममा वडा नम्बर १४ का वडा अध्यक्ष दामोदर न्यौपानेको प्रमुख आथित्यता रहेको थियो । वडा अध्यक्ष न्यौपानेले पावरका किसानहरुलाई कृषि क्षेत्रमा सक्रिय रुपमा काम गरेको प्रति खुसी व्यक्त गर्दै आगमाी दिनमा कृषि र कृषकका लागि वडाको तर्फबाट विशेष प्रथामिकतामा राखिने प्रतिबद्धता जानाउनुभएको छ ।
बैठकले पावरका कृर्षकहरुको व्यवसाकि कृर्षि प्रतिको लगावलाई मध्यनजर गर्दै विभिन्न कृषिका कार्यक्रमहरु संचालन र स्थानिय कृषकहरुको सहभागितामा जोड दिएको कार्यक्रमका अध्यक्ष बिरबहादुर खम्चाकी मगरले बताउनुभयो । कार्यक्रम पावर कृषि स्मार्ट गाउँका अध्यक्ष खम्चाकी मगरको अध्यक्षतामा सम्पनन भएको हो । उक्त कार्यक्रममा पाठशाला प्रशिक्षकको रुपमा झगरु थारु र होम बहादुर न्यौपानेले सहजिकरण गर्नुभएको थियो । पावर स्मार्ट कृषि गाउँको प्रथम भेलाको रुपमा पनि आजको बैठक रहेको थियो । अब आगामी भदौ १५ गते पुनः बैठक बसी कृषक पाठशाला गठन गर्ने निर्णय पनि आजको बैठकले गरेको खाम्चाकीले जानकारी दिनुभयो ।

137

प्रतिक्रिया

खबर सबै

नेपालका दुई नदीको संगममा ठुलो जलाशय, चीनले दियो चेतावनी

लुम्बिनी प्रदेश सबै

अम्बिका काफ्लेलाई लुम्बिनी प्रदेशसभा सदस्यबाट हटाउन सिफारिस

साझा अपडेट

MENU