राप्रपाले आधारपत्रको कार्यान्वयनका लागि गठन गर्‍यो सुझाव समिति

काठमाडौं । राष्ट्रिय प्रजातन्त्र पार्टी (राप्रपा) ले पार्टी एकीकरणसम्बन्धी आधारपत्रमा उल्लेख गरिएका विषयहरु कार्यान्वयनका लागि सुझाव समिति गठन गरेको छ ।

राप्रपाका अध्यक्षत्रय कमल थापा, पशुपति शमशेर राणा र डा. प्रकाशचन्द्र लोहनीको बुधबार बसेको बैठकले छ छ सदस्यीय सुझाव समिति गठन गरेको हो ।

समितिलाई पार्टी एकीकरणसम्बन्धी आधारपत्रमा उल्लिखित विषयहरुको कार्यान्वयन र थप व्याख्याका निमित्त सात दिनभित्र सुझावसहितको प्रतिवेदन पेस गर्न भनिएको छ ।

समितिमा दिपक बोहरा, बुद्धिमान तामाङ, राजेन्द्र लिङ्देन, विक्रम पाण्डे, धुव्रबहादुर प्रधान र श्यामप्रसाद तिमिल्सिना सदस्य रहेका छन् ।