थप १४ सय ९० जनामा कोरोना पुष्टि ,उपत्यकामा मात्रै ७२३

नेपालमा पछिल्लो २४ घण्टामा १४ सय ९० जना कोरोना भाइरसका संक्रमित थपिएका छन् । जसमा काठमाडौं उपत्यकामा मात्रै ७२३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार काठमाडौंमा ५३१, भक्तपुरमा ५८ र ललितपुरमा १३४ जना नयाँ संक्रमित थपिएका हुन् । यससँगै नेपालमा कोरोना संक्रमित संख्या कुल २ लाख ३६ हजार २४६ जना पुगेको छ । बुधबार स्वास्थ्य मन्त्रालयले उपलब्ध गराएको तथ्यांकमा सो जानकारी गराइएको हो ।

यता, पछिल्लो २४ घण्टामा १५ सय ६७ जना कोरोना संक्रमित निको भएका छन् । योसँगै, हालसम्म संक्रमणबाट निको हुनेको संख्या २ लाख १८ हजार १६१ जना पुगेको छ । पछिल्लो २४ घण्टामा ९ जनाको ज्यान गएको छ । नेपालमा कोरोनाबाट ज्यान गुमाउनेको संख्या अहिलेसम्म १५ सय ३८ जना पुगेको छ ।