जेठ १४ गते बकर ईद : सरकारले दियाे सार्वजनिक बिदा

सरकारले जेठ १४ गते बकर ईद (ईद-उल-अज्हा)को अवसरमा सार्वजनिक बिदा दिएको छ।

शुक्रबार गृह मन्त्रालयका प्रवक्ता एवं सहसचिव आनन्द काफ्लेले विज्ञप्ति जारी गर्दै जेठ १४ गते बिहीबारका दिन बिदा रहेको जानकारी दिएका हुन्।

यस दिनको बिदाबारे सरकारले गत फागुन १८ गते नै राजपत्रमार्फत बकर ईदमा बिदा दिने उल्लेख गरेको थियो।

त्यसअनुसार मुस्लिम आयोगले जेठ १४ गते बिदा ईद परेको जानकारी गराएसँगै बिदा दिइएको हो।

त्यस्तै, जेठ १५ गते गणतन्त्र दिवसको अवसरमा पनि बिदा परेको छ। त्यसपछि शनिबार र आइतबार गरी लगातार चार दिन बिदा पर्ने भएको हो।