डीपी सभामुख : स्वर्णिम अर्थ, गृहमा सुधनसहित यी बन्दै छन् मन्त्री

देशको ४३औँ प्रधानमन्त्रीका रूपमा राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाह (बालेन) नियुक्त भएका छन् । शुक्रबार (चैत १३) बिहान राष्ट्रपति रामचन्द्र पौडेलले उनलाई प्रधानमन्त्रीमा नियुक्त गरेका हुन् ।

आजै दिउँसो १२ः३४ बजे उनले पद तथा गोपनीयताको शपथ लिँदै छन् । राष्ट्रपति पौडेलले शीतलनिवासमा एक समारोहबीच उनलाई शपथ गराउनेछन् । यसै दिन मन्त्रिपरिषद् विस्तारको तयारी छ ।

रास्वपाका नेता एवं सांसद स्वर्णिम वाग्लेको नाम अर्थमन्त्रीका रूपमा टुंगो लगाइएको स्रोतको भनाइ छ ।

स्रोतका अनुसार, सुधन गुरुङ गृहमन्त्री, शिशिर खनाल परराष्ट्रमन्त्री, सोविता गौतम कानुन, न्याय तथा संसदीय मामिलामन्त्री, प्रतिभा रावलको नाम संघीय मामिला तथा सामान्य प्रशासनमन्त्रीका रूपमा टुंगो लगाइएको छ ।

रास्वपाका उपसभापति डोलप्रसाद (डीपी) अर्याललाई प्रतिनिधिसभाको सभामुख बनाउने टुंगो लगाइएको छ ।