मलखाद र सिँचाइ संकट अन्त्य गर्ने कुँवरको चुनावी अठोट

कपिलवस्तु क्षेत्रनम्बर–१ का नेपाली कमन्युष्ट पार्टी (नेकपा) का उम्मेद्वार कृष्ण बहादुर कुँवरले कृषकका समस्यामा दृद्ध भएर उभिने बताएका छन । फाल्गुन–२१ गते हुने निर्वाचनका लागि चुनाव प्रचार प्रशारमा रहेका कुवँरले कृषकका समस्यालाई नजिक बाट महसुस गरेकोले उक्त समस्या समाधान गर्न प्रतिबद्ध रहने बताए ।

कपिलवस्तुका कृषकहरुले झल्दै आएको मलखाद र सिचाईको समस्या समाधानकालागि आफु निर्वाचित भैसकेपछि प्रतिबद्ध भएर लाग्ने बताएका छन । हरेक पटक नेताहरुले चुनाव जित्नैका लागि चुनावी एजेण्डा बनाउने र पछि बेवास्ता गर्दा कृषकका समस्या उस्तै रहेको भन्दै आफु त्यस्तो नगर्नेमा विश्वस्त रहन मतदातालाई अपिल गरेका थिए । त्यसतै मतदाताका गुनासा तथा समस्या सुनेपछि कुँवरले जनतालाई कानुन निर्माणभन्दा पनि विकास नै चाहिएको आफूले पाएको बताए ।

सदनमा पुगेपछि आफूले जनमैत्री कानुन निर्माण गर्न पहल गर्ने र विकासको एजेण्डा पनि संगसंगै अघि बढाउने कुँवरले बताए । जनताले पनि कुँवरको बारेमा धेरै सुनेको र भेट गर्न पाउँदा खुसी लागेको पालिका पत्रसंग बताए । अरु नेताले ढाँटेका कारण आफू इमान्दार भए पनि भोट माग्न कठिन भएको कुँवरको भनाई छ ।

कुँवरले यो लडाई भ्रष्टाचारी र सदाचारीको लडाई भएको बताउँदै आफूलाई मत खसाल्न आग्रह गरिरहेका छन् । राजापानीमा भएको युवासंगको भेटमा मत माग्न आउने हरेक उम्मेदवारलाई प्रश्नको कठघरामा राख्न कुँवरको आग्रह छ ।