वाणगंगामा कारको ठक्करबाट स्कुटर चालक गम्भीर घाइते

कपिलवस्तुको वाणगंगा नगरपालिका–८ स्थित चप्परगाउँमा मंगलबार दिउसो कारको ठक्करबाट स्कुटर चालक गम्भीर रूपमा घाइते भएका छन्। वडा नम्बर ८ स्थित चप्परगाउँमा बा २० च ३२४६ नम्बरको कारले स्कुटरलाई ठकर दिएको हो ।

इलाका प्रहरी कार्यालय पिपराका अनुसार कारले स्कुटरलाई ठक्कर दिँदा दुर्घटना भएको जनाइएको छ । कारको ठक्करबाट लु ३८ प ९१९४ नम्बरको स्कुटरमा सवार बाणगंगा नगरपालिका वडा नम्बर ७ बस्ने वर्ष ६५ का काशिराम पौडेल घाइते भएको प्रहरीले जानकारी दिएको छ । घाइते पौडेलको उपचारका लागि बुटवल रेफर गरिएको छ ।

दुर्घटनामा गम्भीर घाइते भएका स्कुटर चालकलाई तत्कालै स्थानीयवासीको सहयोगमा उपचारका लागि अस्पताल लगिएको भए पनि यहाँ उपचार सम्भव नभएपछि बुटवल रेफर गरिएको हो ।

घटनाबारे विस्तृत विवरण आउन बाँकी रहेको प्रहरीले जनाएको छ। घटना सम्बन्धमा थप अनुसन्धान भइरहेको इलाका प्रहरी कार्यालय पिपराले साझाकुरालाई जानकारी दिएको छ।