कपिलवस्तु सामुदायिक अस्पताल बन्द

स्थानीय स्वास्थ्य सेवाको मेरुदण्ड मानिने कपिलवस्तु सामुदायिक अस्पताल एकाएक अनिश्चितकालका लागि ताला ठोकिएपछि वाणगंगामा स्वास्थ्य आपतकालको स्थिति सिर्जना भएको छ। बुधवार साँझ ४ बजेदेखि सम्पूर्ण सेवा ठप्प हुँदा भर्ना भएका बिरामीहरूलाई सडकमा छाडिएको स्थानीयको गुनासो छ।

स्थानीय स्वास्थ्य सेवाको मेरुदण्ड मानिने कपिलवस्तु सामुदायिक अस्पताल एकाएक अनिश्चितकालका लागि ताला ठोकिएपछि वाणगंगामा स्वास्थ्य आपतकालको स्थिति सिर्जना भएको छ। बुधवार साँझ ४ बजेदेखि सम्पूर्ण सेवा ठप्प हुँदा भर्ना भएका बिरामीहरूलाई सडकमा छाडिएको स्थानीयको गुनासो छ।

यसबीच, बिना पूर्वसूचना सेवाबाट हटाइएका डाक्टर, नर्स र कर्मचारी आन्दोलित बनेका छन्। उनीहरूले खुला चेतावनी दिएका छन्, स्वास्थ्य सेवा खेलौना होइन, यो बेइमानी हो ?

अस्पताल बन्दसँगै सयौं बिरामी उपचार अधुरै छाडेर घर फर्कन बाध्य भएका छन्। कसैले ट्याब्लेट त कसैले सलाइन अधूरो छाडेर अस्पतालबाट निस्कनुपरेको पीडादायी दृश्य अझै स्थानीयको आँखामा ताजा छ।

वास्तवमा, यो अस्पतालको संकटको जरो गहिरो राजनीतिक दलदलमा गाडिएको छ। विशेषतः नेपाली कांग्रेसभित्रको गुटबन्दी र शक्ति प्रदर्शनले अस्पताललाई संस्थागत हैसियतबाट खिचेर निजी राजनीतिक अखाडा बनाएको स्थानीयले आरोप लगाएका छन्।

अस्पताल सञ्चालक समितिका अध्यक्ष शिवचन्द्र आचार्य र महासचिव बुद्धि बहादुर रोकाहा दुबै नेपाली कांग्रेससँग सम्बद्ध हुन्। तर उनीहरूबीचको वर्चस्वको लडाइँ अहिले अस्पताल बन्दको रुपमा सतहमा आएको हो।
अध्यक्ष भन्छन् — अस्पताल घाटामा छ, बन्द गर्नु बाध्यता थियो,
महासचिव भन्छन् — मर्मतको लागि मात्रै बन्द गरेका हौं,