डाेका-डालाे बेचेर बाइक, अहिले बाइकमा सररर डाेका-डालाे कै व्यापार

रामबहादुर गन्धर्व, कपिलवस्तु । गुल्मी जिल्लाकाे मदाने गाउँपालिका-३मलाहगिरी घर भई हाल कपिलवस्तु जिल्लाकाे बुद्ध भुमि नगरपालिका ४बुड्डि निवासी ५५बर्षिय श्याम नेपाली यतिबेला परम्परागत (पुख्र्यौली )पेशामा रमाउदै आएका छन् । उनले स्थानीय कच्चा पदार्थबाट निर्मित डाेका मान्द्रा,भकारी ,सुपा लगाएत घरेलुु प्रयाेजनमा आउने सामग्रीहरू जिल्लाका विभिन्न स्थानमा पुग्ने गरेको छ।

उनले निर्माण गरेका यी सामग्री जिल्लाकाे विभिन्न पालिकाहरूमा खपत हुँदा याे पेसाबाट आफु आत्मानिर्भर हुनुका साथै आत्मसन्तुष्टि रहेको बताए ।उनले निर्माण गरेका सामग्रीहरू सुपा ,डाेकाहरू ४सय देखि ५सय सम्ममा बिक्री हुँदै आएकाे बताएका छन् । पहिला नाम्लोले भारी बाेकेर गाउँगाउँमा पुर्याउदै आएकाे बाँसको चाेयांबाट निर्मित सामग्रीहरूकाे बिक्रीबाट आर्जन गरेको रकमले एउटा बाइक खरिद गरि उपभोक्तालाई छिटो छरितो रूपमा सेवा दिदै आएकाे बताएका छन् । ५५बर्षिय नेपालीका ४छाेरा १छाेरी रहेता पनि अहिले आफुसँग माइली बुहारी र नातिनातिना सहित ६जनाको परिवार रहेको बताए ।

उनले भने पुर्खाबाट सिकेकाे ज्ञानसिपलाई सदुपयोग गर्नु नै आर्थिक रूपमा टेवा पुग्नु रहेको बताउदै राज्यले यस्ता ज्ञानसिपलाई प्राेत्सहान गर्दै युवा पुस्तालाई आकर्षक गर्न सके बिदेश पलायनमा न्युनिकरण गर्दै ब्यवशायिकतामा जाेडन सके मात्र सुखी नेपाली ,समृद्ध नेपालकाे नारा साकार हुने कुरामा जाेड दिए।