नेपाल सुपर लिगका लागि खेलाडीको अक्सन फेब्रुअरीको तेस्रो हप्तामा हुने

काठमाण्डौ : नेपाल सुपर लिग (एनएसएल) फुटबल प्रतियोगितामा तेस्रो सिजनका लागि खेलाडीको अक्सन आउँदो फेब्रुअरीको तेस्रो हप्ता हुने भएको छ ।

प्रतियोगिता शुरू हुनु एक महिना अगाडि खेलाडीको अक्सन गर्न लागिएको आयोजक नेपाल स्पोर्ट्स एन्ड इभेन्ट्स म्यानेजमेन्टले जनाएको छ ।

एनएसएलको तेस्रो सिजन आउँदो मार्च २९ अर्थात चैत १६ गतेदेखि सञ्चालन गर्ने यसअघि घोषणा भइसकेको छ ।

एनएसएलको पहिलो संस्करणमा काठमाण्डौ रेजर्स र दोस्रो संस्करणमा ललितपुर सिटी एफसी च्याम्पियन भएको थियो ।

अखिल नेपाल फुटबल सङ्घ (एन्फा) ले चार वर्षे सम्झौतासहित सन् २०१९ मा नेपाल स्पोर्ट्स एन्ड इभेन्ट्स म्यानेजमेन्टलाई एनएसएल आयोजना गर्ने अधिकार दिएको थियो ।