बाणगंगामा प्लाष्टिक झोलाको विकल्पः थालियो खेर जाने कपडाबाट झोला उत्पादन


राजेन्द्र खनाल, जितपुर । कपिलवस्तुको बाणगंगा स्थित सिद्धार्थ सामाजिक विकास केन्द्रले खेर जाने कपडाबाट कागज बनाइ झोला उत्पादन गर्न थालेको छ। यस प्रयासले न केवल फोहोरको व्यवस्थापनमा मद्दत गर्नेछ, बरु वातावरणीय प्रदूषणमा पनि कमी ल्याउने अपेक्षा गरिएको छ।
केन्द्रकी अध्यक्ष सुर्यकुमारी शाहीका अनुसार, आधुनिक मेसिनको प्रयोग गरेर कपडालाई प्रशोधन गरी कागजको फ्रेममा परिणत गरिन्छ। यो प्रक्रिया सफलतापूर्वक शुरू गरिएको छ र हाल ४० जनालाई सीपमुलक तालिम पनि दिइएको छ, जसले झोला उत्पादनको काममा सक्रियता देखाउँदैछन्।
सिद्धार्थ सामाजिक विकास केन्द्रले नेपालका विभिन्न स्थानहरू र भारतमा समेत अध्ययन भ्रमण गरि, यो प्रविधिबाट झोला उत्पदान गर्न सकिने सिप स्थानीय व्यक्तिहरुलाई प्रदान गरे पश्चात उत्पादन थालेको जनाएको हो । यो परियोजनामा प्राविधिक ज्ञान र कौशलको विकास गर्न सके व्यवसायिक रुपमा झोलाको बजारीकरण पनि हुने विश्वास छ । अब बाणगंगा नगरपालिकासँग समन्वय गर्दै बजारमा प्लाष्टिक झोलाको प्रयोगमा कमी ल्याउने योजनामा काम गर्न आवश्यक रहेको समेत उनको भनाइ छ ।


नयाँ उत्पादन गरिएको झोलाहरू पर्यावरणमैत्री छन्, र तिनीहरूको कुहिएर जाने विशेषताले वातावरणमा सकारात्मक प्रभाव पार्ने विश्वास गरिएको छ। बाणगंगा नगरपालिकाले पनि यो काममा सहयोग गर्दैछ र विशेष गरी प्लाष्टिक झोलाको प्रयोगमा कडाइ गर्ने योजना बनाइरहेको छ।
सिद्धार्थ सामाजिक विकास केन्द्रले झोला उत्पादनको लागि आवश्यक मेसिन र जनशक्ति पनि तयार गरिसकेको छ। हालको मेसिनले प्रति १० किलोग्राम कपडाबाट १०० कागजको फ्रेम बनाउन सक्षम छ। अध्यक्ष शाहीले भनिन्, “हामी बाणगंगाको फोहोरलाई मूल्यमा परिणत गर्न सहयोग गर्दैछौं।“ यो प्रयासले स्थानीय उत्पादनको प्रवर्द्धन गर्नका साथै बाणगंगामा वातावरणीय संरक्षणमा योगदान पुर्याउने अपेक्षा गरिएको उनको भनाइ छ।

231

प्रतिक्रिया

खबर सबै

श्रृङ्गीघाट सामुदायिक वनले दियाे अनुदानमा ई- रिक्सा,महिला उद्धमीलाई प्राेत्साहन

लुम्बिनी प्रदेश सबै

लुम्बिनी प्रदेशको बजेट बहुमतले पारित

साझा अपडेट

MENU