१५३ क्लव मध्ये लायन्स कपिलवस्तु बन्यो उत्कृष्ट क्लव

ईसाझाकुरा : हामी सेवा गछौँ भन्ने उदेश्य बोकेको लायन्स क्लवले आफ्नो चौथो क्याबिनेट बैठक सम्पन्न गरेको छ । लायन्स नेपाल अन्तर्गत डिस्ट्रिक ३२५ पि यरिया २ को आयोजनामा पाल्पामा कार्यक्रम सम्पन्न भएको हो । हाल लायन्स नेपाल डिस्ट्रिक ३२५ पिमा १५३ ओटा क्लवहरु रहेका छन् । लायन्स वर्ष २०२३/२४ मध्ये यो अन्तिम क्याबिनेट हो । आयोजित क्याबिनेटले ३२५ पि क्लवहरुमा लायन्स क्लव अफ कपिलवस्तुले उत्कृष्ट क्लवको उपाधि हात पारेको छ । १५३ क्लवहरु मध्ये वर्ष २०२३/२४ मा वर्षभर गरेका कामहरुको मुल्याङ्कन गरी उत्कृष्ट क्लव बनेको हो ।

यस्तै क्लवहरु मध्ये लायन्स कपिलवस्तुका अध्यक्ष १५३ क्लवहरु मध्ये उत्कृष्ट अध्यक्ष ओम प्रकाश घिमिरे, उत्कृष्ट सचिव राम प्रसाद भुसाल र उत्कृष्ट कोषाध्यक्ष गिरीराज कडेँललाई पनि डिस्ट्रिक गर्भनर अर्जुनमान सौंजुले सम्मान गरेका थिए ।

डिस्ट्रिक ३२५ पि मध्ये १० ओटा क्लवहरुलाई मात्र उत्कृष्ट क्लवहरु घोषण गरेको थियो ।

लायन्स कपिलवस्तुका पुर्व अध्यक्षहरुलाई सुरेन्द्र घिमिरे, धातानन्द भुसाल र रामशुभागे थारुलाई समेत विशेष प्रमाण पत्रले सम्मान गरिएको कार्यक्रममा क्लवले क्याबिनेटमा १५३ मध्ये सबै भन्दा बढी रजिस्टेशनको आर्वड समेत हात पारेको थियो ।

लायन्स कपिलवस्तु विभिन्न सामाजिक काममा अग्रसर हुदैँ जिल्लामा आफु बलियो क्लवका रुपमा स्थापना गरेको छ । भने २०८० सालबाट नेपालमा पहिलो पटक आयोजना गरिएको साइकल प्लाङक ब्यालेन्स प्रतियोगिताको पहिलो र दोस्रो सँस्करणले क्लवलाई ३२५ पि मात्र नभएर नेपालभर उत्कृष्ट बनाएको थियो ।