विश्वकप छनोट : नेपाल र बहराइनबिच आज प्रतिस्पर्धा

काठमाडौँ : फिफा विश्वकप २०२६ छनोटअन्तर्गतको दोस्रो चरणको खेलमा नेपालले आज बहराइनको सामना गर्दै छ। बहराइनको राष्ट्रिय रंगशालमा हुने खेल नेपाली समयअनुसार राति १२ः४५ बजे सुरु हुने छ।

त्रिपुरेश्वरस्थित दशरथ रंगशालमा खेल्नुपर्ने यो खेल मैदानको स्तर राम्रो नभएकोले बहराइनमै खेल्न लागिएको हो ।  नेपालको सिनियर टोलीले पहिलो पटक बहराइनसँग प्रतिस्पर्धा गर्न लागेको हो।

बहराइनसँग खेल्नुअघि नेपालले मलेसियासँग अभ्यास खेल खेलेको थियो। युनिभर्सिटी टेक्नोलोजी मारा स्टेडियममा भएको खेलमा नेपाल घरेलु टोली मलेसियासँग ५–१ गोल अन्तरले पराजित भएको थियो।

नेपाल रहेको समूह ‘एच’ मा यूएई, बहराइन र यमन रहेका छन्। नेपाल पहिलो खेलमा यूएईसँग ४–० र दोस्रो खेलमा यमनसँग २(० गोल अन्तरले पराजित भएको थियो।