अन्नपूर्ण विद्या मन्दिरमा तीन दिने खेलकुद शुभारम्भ

रामबहादुर गन्धर्व, कपिलवस्तु । कपिलवस्तुको बाणगंगा नगरपालिका वडा नंम्बर ५ कोपवा स्थित अन्नपूर्ण बिद्या मन्दिर माध्यमिक बिद्यालयले बुधबार देखि शुक्रबार सम्म सञ्चालन रहने ३ दिने खेलकुद कार्यक्रम शुभारम्भ गरेको छ ।

आयोजित खेलको उद्वाटन गर्दै प्रमुख अतिथि समेत रहेका वडा नं. ६ वडाध्यक्ष करूण टण्डनेले बिकास भन्दा साथ भौतिक संरचना निर्माण गर्नु ,सवारी साधन प्रयाप्त हुनु मात्र नभइ जिवनसँगै जोडिएको खेलकुद पनि रहेको हुँदा यसले विद्यार्थीमा तनाव ब्यस्थापन गर्नुका साथै नैतिकवान बनाउन महत्त्वपूर्ण भुमिका खेल्ने हुँदा यस्ता कार्यक्रम समयसापेक्ष गराउनु पर्नेमा जोड दिए ।

३ सम्म हुने खेलकुदहरू चक्लेट दौड ,चम्चा दौड ,म्युजिकल चियर,लम्जम्प,हाइजम,क्रिकेट लगाएत अन्य खेलहरू हुने विद्यालयले जनाएको छ ।

कार्यक्रम बिद्यालयका प्रधानध्यापक मदन मल्लको अध्यक्षता सञ्चालक समितिका अध्यक्ष दुनिका प्रसाद भुसालको बिशिस्ट आतिथ्यता विभिन्न सामाजिक प्रतिनिधिहौको सहभागीता रहेको उक्त कार्यक्रम ब्यवस्थापक कपिल घिमिरेको सञ्चालनमा भएको थियो ।