१२औँ कपिलवस्तु डान्स आइडलका लागि पहिलो अडिसन सकियो

कपिलवस्तु । यही मंसिर २१ देखि आयोजना तयारी गरिएको १४ औं कपिलवस्तु महोत्सव अन्तर्गत आयोजना हुने १२ औँ कपिलवस्तु डान्स आइडलका लागि पहिलो चरणको अडिसन सकिएको छ ।

मंगलबार बिहान १० बजेदेखि गर्ने भनिएको अडिसन केहि ढिला गरि सुरु भएको थियो । पहिलो चरणको अडिसन बाट ४ जना प्रतिसपर्धी छनोट भएको डान्स आइडल संयोजक खड्क बहादुर क्षेत्रीले बताउनु भयो ।

अडिसन लिन बाँकि रहेका प्रतिसपर्धीहरुको आगामि मंसिर ८ गते बिहान ११ बजेदेखि अडिसन हुने संयोजक क्षेत्रीले बताउनु भएको छ । भर्खर चाडपर्व सकिएर विद्यालय खोलिएको हुनाले तयारी नपुगेको भन्दै दोस्रो अडिसन ८ गते सारिएको उहाँले बताउनु भयो ।

उद्योग, व्यापार, पर्यटन, कृषि, भेषभूषा, कला, संस्कृति, ऐतिहासिक स्थल संरक्षण तथा प्रवद्र्धन गर्ने उद्देश्य अनुरुप आगामी मंसिर २१ गतेदेखि पुष १ गतेसम्म चारनम्बरको जितपुर स्थित बुद्ध रंगशालामा हुन लागेको महोत्सवको बिशेष प्रस्तुतिको रुपमा रहेको डान्स आइडलले कला संस्कृतिको विकास गर्ने लक्ष राखिएको छ ।