इस्ट जोन कपको उपाधिका लागि आज नेपाल र मलेसिया खेल्दै

काठमाण्डाै

एसीसी १६ वर्षमुनिको इस्ट जोन कप क्रिकेटको उपाधिका लागि आज नेपाल र घरेलु टोली मलेसिया खेल्दैछन् ।

खेल बिहान सवा ७ बजे मलेसियाको बायोमास ओभलमा सुरु हुँदैछ । नेपाल सिङ्गापुरलाई ९७ रनले हराउँदै र मलेसिया हङकङलाई ७८ रनले हराउँदै फाइनल पुगेका हुन् ।

आज मलेसियालाई हराउन सके नेपालले लगातार तेस्रो पटक उपाधि जित्नेछ । समूह चरणमा नेपालले थाइल्यान्डलाई २ सय २५ र मलेसियालाई ८४ रनले हराएको थियो । मलेसियाले थाइल्यान्डलाई १ सय १८ रनले हराएको थियो ।