कपिलवस्तुबाट १६ किलो चरेशसहित एक जना पक्राउ

कपिलवस्तु । कपिलवस्तुबाट प्रहरीले १६ किलो चरेश सहित एक जनालाई पक्राउ गरेको छ । जिल्लाको शिवराज नगरपालिकामा १६ किलो चरेशसहित एक जना पक्राउ परेका हुन ।

पक्राउ पर्नेमा कपिलवस्तु शिवराज नगरपालिका वडा नं. ९ बिजगौरी बस्ने मेघराज घर्ती रहेको प्रहरीले जनाएको छ । घर्तीको घरमा लागु औषध चरेस लुकाइ छिपाइ राखेको भन्ने गोप्य सुचनाको आधारमा वडा प्रहरी कार्यालय चन्द्रौटा र ईलाका प्रहरी कार्यालय सुन्दरीडाँडबाट संयुक्त रुपमा खटगएको प्रहरी अधिकृतको टोलीले उनलाई पक्रेको हो ।

घर्ती मगरको घरमा खानतलासि गर्दा घर भित्र लुकाई छिपाई राखेको तौल गर्दा १६ किलो लागु औषध चरेश जस्तो देखिने हल्का कालो गिलो पदार्थ फेला पारेको प्रहरीले जनाएको छ ।