कपिलवस्तुको खारखानिमा गाडिको ठक्करबाट एक महिलाको मृत्यु

कपिलवस्तु । कपिलवस्तुको बाणगंगामा गाडिको ठक्कर बाट एक जनाको मृत्यु भएको छ । बाणगंगा नगरपालिका वडा नम्बर ७ खारखानिमा पुजाको प्रसाद ग्रहण गर्न गएकि एक महिलाको मृत्यु भएको हो ।

उनि बाणगंगा ८ त्रिलोकमार्गबाट निम्तो मान्न खारखानि पुगेको बताइएको छ । अन्दाजी ६५ बर्षिय कमला गैरेको मृत्यु भएको प्रहरीले जनाएको छ ।

उनलाई दुर्घटना पश्चात उपचारका लागि कपिलवस्तु सामुदायिक अस्पताल लगिएको थियो । अन्ततः सामुदायिक अस्पतालले रिफर गरेर तौलिहवा पठाएको थियो । जिल्ला अस्पताल तौलिहवाले उनलाई मृत घोषणा गरेको ईलाका प्रहरी कार्यालय गोरुसिङ्गेले जनाएको छ ।

ठक्कर दिने सवारी फरार रहेको र खोजीकार्य जारी रहेको प्रहरीले जनाएको छ ।