ठुला कुरा नगरौँ, जनताले स–साना कुरामा राज्यको साथ खोजेका छन्ः घिमिरे

कपिलवस्तु, २५ कार्तिक । वाम लोकतान्त्रिक गठबन्धनबाट कपिलवस्तुको क्षेत्र नम्बर १ (१) मा प्रदेश सभा सदस्य पदका उम्मेदवार रहेका डोलकराम घिमिरेले जनताले स–सानो कुरामा राज्यको साथ खोजेको बताएका छन् । चुनावको बेला नेताले ठुला ठुला कुरा गरिरहेको आफूले पाएको भन्दै जनतालाई ती भ्रम र आवश्यकता नभएको उनले बताए ।

गाउँघरका धुला मैला बाटा बनून्, मालपोतमा घुससुस नहोओस्, कुलो नाली बनोस्, किसानले बिउ, मल पाऊन् । सुकुम्बासीले लालपुर्जा पाऊन्, आवश्यमता अनुसार सिंचाइ पाऊन्, ससानो रोजगारी पाउन्, स्थानीय सुरक्षा अंगबाट न्यायको प्रत्याभूति जनताले गरुन् । उनले भने, अधिकांस नेताकोे भाषण गरेको सुन्दा यी कुरा आउँदैनन् । ठुलाठुला कुरा गरेको सुनिन्छ । तर हामी केन्द्रित हुनुपर्ने यहाँनेर हो, तर छैनौँ । उनले भने ।

उनले आफू चुनावमा होमिँदा जनतामाझ यही कुरा गर्ने वाचा लिएर अघि बढेको बताए । आफू जनताकै घरदैलोमा हुर्केबढेको हुनाले सांसद बनेर पनि आफूले यी कुरा बिर्सेर कहिल्यै सुविधाभोग तर्फ नलाग्ने उनले बताए । यसपटक मुलकको आवश्यकता गठबन्धन रहेकाले गठबन्धनको सरकारलाई भोट दिन उनको आग्रह छ ।