अहिलेको गठबन्धन सिट प्राप्तिका लागि मात्रै होइन : बल्देव

कपिलवस्तु । नेकपा माओवादी केन्द्रका नेता तथा सत्तारुढ गठबन्धनबाट कपिलवस्तु क्षेत्र नम्बर १ मा प्रतिनिधि सभाका लागि उम्मेद्धार बनेका चक्रपाणी खनाल बल्देवले अहिलेको गठबन्धन सिट प्राप्तिका लागि मात्रै नभएको दाबी गरेका छन् । उनले चुनाव चिन्ह जनुसुकै भए पनि त्यसले खास अर्थ नराख्ने बरु मतदाताले दिने मतले अर्थ राख्ने भएकाले जुनसुकै चुनाव चिन्ह भए पनि सही र सक्षम नेतृत्व चिनेर मतदान गर्नु पर्र्ने बताए ।

कपिलवस्तुको बाणगंगा नगरपालिका वडा नम्बर १ बैरियामा बुधबार अर्घाखाँची कपिलवस्तु सम्पर्क समाज समितीद्धारा आयोजित शुभकामना आदान प्रदान तथा चियापान कार्यक्रमलाई सम्बोधन गर्दे नेता बल्देवले सत्ता गठबन्धनका उम्मेद्धारले जुनसुकै पार्टीको चुनाव चिन्ह लिएको भए पनि चिनेर मतदान गर्न आग्रह गरेका हुन ।

उनले गठबन्धन अहिले चुनाबका लागि मात्र बनेको गठबन्ध नभई आगमी पाँच वर्षको स्थायी सरकार निर्माण र विकासको कामका लागि बनेको गठबन्धन रहेको दाबी पनि गरेका छन् ।

आगामी मंसिर ४ गते हुने निर्वाचनमा कपिलवस्तु जिल्लाको क्षेत्र नं. १ र अर्घाखाँची जिल्लाका संयुक्त लोकतान्त्रीक गठबन्धनका उमेद्धवारहरुको उपस्थीती रहेकोको कार्यक्रममा अर्घाखाँची जिल्लामाबाट बसाई सराई गरेर आएका नागरिकहरुको उपस्थित रहेको थियो ।