कपिलवस्तुबाट सासंद बनेकी अमृता अग्रहरि एमालेमा प्रवेश

काठमाडौं । जनता समाजवादी पार्टी (जसपा) को केन्द्रीय कार्यकारी समितिकी सदस्य तथा निवर्तमान सांसद अम्रिता अग्रहरी नेकपा एमालेमा प्रवेश गरेकी छन् । उनी तत्कालिन राजपा कपिलवस्तुबाट सासंद बनेकी थिइन् ।

राजपाबाट जसप बनेकी उनी उपेन्द्र यादव र बाबुराम भट्टराईबिच पार्टी विभाजन भएपछि भने तटस्थ जस्तै बसेकी थिइन्। तर उनको झुकाव बाबुराम भट्टराई तिर थियो । यद्यपी उनी आज एमालेमा प्रवेश गरेकी हुन ।

कलिवस्तुको निर्वाचन क्षेत्र नम्बर २ बाट राजपाले उनलाई समानुपातिक सासंदको रुपमा संसदमा पु¥याएको थियो ।
एमाले अध्यक्ष केपी शर्मा ओलीले आफ्नो निवास बालकोटमा उनलाई पार्टीमा स्वागत गरेका हुन् । सचिवालय बैठक चलिरहेको बेला उनलाई पार्टीमा स्वागत गरिएको नेता योगेश भट्टराईले जानकारी दिए ।

नेपालको लोकतान्त्रिक आन्दोलनका नेता गजेन्द्र नारायण सिंहको प्रेरणाबाट राजनीतिमा कृयाशिल रहेको बताउने कपिलवस्तुकी अग्रहरि राष्ट्रिय जनता पार्टी राजपाबाट सांसद बनेकी थिइन् ।

राजपा र संघीय समाजवादी पार्टी एकीकरणपछि बनेको जनता समाजवादी पार्टी जसपा फुटेपछि उनी तटस्थ बसेकी थिइन् । अग्रहरीलाई ओलीले माला अबिर लगाएर पार्टी प्रवेश गराएका हुन् ।