बाणगंगामा कार्यापालिका सदस्य घर्तीको निधन

कपिलवस्तु । कपिलवस्तु जिल्लाको बाणगंगा नगरपालिकाको कार्यापालिका सदस्य दानु घर्तीको निधन भएको छ । क्यानसर पिडित ४२ बर्षीय घर्तीको उपचारका क्रममा मृत्यु भएको हो ।

बाणगंगा नगरपालिका वडा नं. १० निवासी घर्ती गत वैशाख ३० गते सम्पन्न स्थानीय तहको निर्वाचनबाट वडा सदस्य तथा कार्यापालिका सदस्यमा निर्वाचित भएकी थिईन् । उनी नेकपा एमालेबाट वडा सदस्यमा निर्वाचित भएकी थिइन् ।

बाणगंगा नगरपालिकाका मेयर चक्रपाणी अर्यालले कार्यापालिका सदस्य घर्तीको निधनको खबरले आफु स्तब्ध भएको बताएका छन् ।

कार्यपालिका सदस्य घर्तीको उपचारका क्रममा निधन भएको वडा नम्बर १० का वडा सदस्य राम शंकर चौधरीले बताए । उनको आज नै अन्त्यष्टि गरिदै छ ।