अर्घाखाँचीमा चालक र सह–चालकको निःशुल्क स्वास्थ्य परिक्षण

अर्घाखाँची ।
अर्घाखाँचीको सन्धिखर्क नगरपालिका स्थित बस पार्कमा चालक तथा सहचालकहरुलाई निःशुल्क स्वास्थ्य जाँच गरिएको छ । जिल्ला प्रहरी कार्यालय र ट्राफिक प्रहरी कार्यालय अर्घाखाँचीको संयुक्त आयोजना तथा अर्घाखाँची अस्पताल र आँखा अस्पताल अर्घाखाँचीको सहकार्यमा चालक र सह–चालकहरुलाई निःशुल्क स्वास्थ्य परिक्षण गरिएको हो ।
दुर्घटना न्यूनीकरणको लागि लामो तथा छोटो दुरीमा गुडने विभिन्न सवारीचालक र सह–चालकलाई स्वास्थ्य शिविर राखेर निःशुल्क रुपमा स्वास्थ्य परिक्षण गरिएको जिल्ला प्रहरी कार्यालय अर्घाखाँची प्रहरी नायव उपरिक्षक अमर बहादुर थापाले जानकारी दिनुभयो ।
आँखाको कमजोरीका कारण हुनसक्ने सवारी दुर्घटना न्यूनीकरण गर्नका लागि ट्राफिक प्रहरी कार्यालयले आँखा समेत जाँच गरिदिएको ट्राफिक प्रहरी कार्यालय अर्घाखाँचीका प्रमुख प्रविन आचार्यले जानकारी दिनुभयो ।
स्वास्थ्य शिविरमा १ सय ४१ चालक तथा सहचालकले आँखा तथा शरीरको स्वास्थ्य जाँच गराएका छन् ।

108

प्रतिक्रिया

खबर सबै

शिक्षामा गुणस्तर वृद्धि गर्न जोड दिँदै ‘SQC सहजकर्ता कौशल तालिम’ सम्पन्न

लुम्बिनी प्रदेश सबै

अम्बिका काफ्लेलाई लुम्बिनी प्रदेशसभा सदस्यबाट हटाउन सिफारिस

साझा अपडेट

MENU