जिल्ला स्तरीय खुल्ला नकआउट फुटबलको उपाधी भर्तापुरलाई

कपिलवस्तु ।
कपिलवस्तुको बाणगंगा नगरपालिका स्थित वडा नम्बर ९ भलवाड जिनुवा मैदानमा जारी जल्ला स्तरीय खुल्ला नकआउट फुटबलको उपाधि प्रयास सामाजिक युवा क्लब भर्तापुरले जितेको छ ।
जारी प्रतियोगिता अन्र्तगत शनिबार भएको अन्तिम फाइनल भिडन्तमा बाणगंगा कै वडा नम्बर ६ स्थित बैदौली युवा क्लवलाई २–१ गोल अन्तरले हराउँदै भर्तापुरले उपाधि उचालेको हो ।

९० मिनेटको निर्धारीत खेलबाटै उपाधिको टुङगेको लागेको हो । प्रयास सामाजिक युवा क्लवले दुबै गोल पहिलो हाफमा गरेको हो । यस्तै २ –० ले पछि परेको बैदौलीले दोस्रो हाफमा सान्त्वना १ गोल फर्काएको भए पनि खेल आफ्नो पक्षमा पार्न सकेन । निर्धारित समयभर नै प्रतिश्प्रधात्मक बनेको उपाधी भिडन्तमा दुबै टोलीका खेलाडीले उत्कृष्ट खेल प्रर्दशन गरेका छन् ।
जारी प्रतियोगितमा जिल्लाभरबाट २२ टोलीको सहभागिता रहेको थियो । २० अन्य टोलीलाई पाखा लगाउँदै फाइनलमा भर्तापुर र बैदौली आमने सामने भएका हुन ।

२–१ गोलअन्तरको जित सँगै भर्तापुरले नगद २५ हजार तथा कप, मेडल र प्रमाणपत्र हात पारेको छ भने उप विजेतामा चित्त बुझाएको बैदौलीले नगद १५ हजार सहित कप मेडल र प्रमाणपत्र पाएको छ । प्रतियोगिता अन्र्तगत प्रयास सामाजिक युवा क्वलका लागि भर्तापुर, भर्लावास र पडेरियाका खेलाडीहरुले संयुक्त टिम बनाएका थिए ।

प्रतियोगिता बाणगंगा ९ भलवाड स्थित जिनुवा स्पोर्टस एण्ड लिङ्कन सोसाईटीले आयोजना गरेको थियो ।

105

प्रतिक्रिया

खबर सबै

विष्णु पौडेल पक्राउविरुद्धको बन्दीप्रत्यक्षीकरण रिट खारेज

लुम्बिनी प्रदेश सबै

लुम्बिनी प्रदेशलाई क्षेत्रिय आईटी हब बनाउने गुरुयोजना सार्वजनिक

साझा अपडेट

MENU