भारतको दोस्रो जित 

यूएईमा जारी टी–२० विश्वकपमा भारतले दोस्रो जित हात पारेको छ। शुक्रबार राति दुबई अन्तर्राष्ट्रिय क्रिकेट मैदानमा भएको खेलमा भारतले स्कटल्याण्डलाई ८ विकेटले पराजित गरेको हो ।

टस जितेर फिल्डिङ रोजेपछि भारतले जितका लागि ८६ रनको सामान्य लक्ष्य पाएको थियो । सो लक्ष्य भारतले ६.३ ओभरमै २ विकेटको क्षतिमा भेट्टायो । उसका लागि केएल राहुलले ५० रन बनाए । उनले १९ बलको सामना गर्दै ३ छक्का र ६ चौका हिर्काए । त्यस्तै रोहित शर्माले ३० रन जोडे ।

स्कटल्याण्डका मार्क वाट र ब्राड ह्वीलले १/१ विकेट लिए ।

यसअघि ब्याटिङ गरेको स्कटल्यान्डका लागि जर्ज मुन्सेले २४, मिशाइल लिस्कले २१ रन जोडे । भारतका लागि मोहम्मद शामी र रविन्द्र जडेजाले ३/३ विकेट लिए भने जस्प्रित बुम्राहले २ विकेट हात पारे ।

यो जितसँगै सेमिफाइनल पुग्ने भारतको झिनो आशा कायम रहेको छ । यद्यपि सेमिफाइनल पुग्न न्यूजिल्याण्ड अफगानिस्तानसँग पराजित हुनुपर्छ । साथै भारतले नामिबियालाई फराकिलो अन्तरले पराजित गर्नुपर्छ ।

त्यसो हुँदा रन रेटका आधारमा समूहको दोस्रो हुँदै भारत सेमिफाइनल पुग्न सक्छ ।

तर अफगानिस्तानमाथि न्यूजिल्याण्डले जित निकालेको खण्डमा भारत समूह चरणबाटै बाहिरिने छ ।

92

प्रतिक्रिया

खबर सबै

विष्णु पौडेल पक्राउविरुद्धको बन्दीप्रत्यक्षीकरण रिट खारेज

लुम्बिनी प्रदेश सबै

लुम्बिनी प्रदेशलाई क्षेत्रिय आईटी हब बनाउने गुरुयोजना सार्वजनिक

साझा अपडेट

MENU