प्रमूख प्रतिपक्षीको बहिष्कारका बीच पनि लुम्बिनी प्रदेशसभा बैठक संचालन

रुपन्देही ।
प्रमुख प्रतिपक्ष दल नेकपा एमालेको बहिष्कारका बीच लुम्बिनी प्रदेशसभाको कारबाही अघि बढेको छ ।
आइतबार बसेको प्रदेशसभा बैठकमा जीवनाशक विषादी नियमन सम्बन्धमा गर्न बनेको विधेयक दफाबार छलफलका लागि कृषि वन तथा वातावरण समितिमा पठाइएको छ । कृषि खाद्य तथा प्रविधि मन्त्री सुमन शर्माले उक्त विधेयक समितिमा दफाबार छलफलका पेस गरेकी हुन् । सभामा पेस भएको विधेयकलाई सभामुख पूर्णबहादुर घर्तीले निर्णायार्थ पेस गरे । त्यसपछि उक्त विधेयक सर्वसम्ममतका साथ स्वीकृत भएको थियो ।
त्यसअघि मुख्यमन्त्री कुलप्रसाद केसीले मुख्यन्याधिबक्ताको २०७६÷०७७ र २०७७÷०७८ को प्रतिवेदन सभामा पेस गरेका थिए । उक्त प्रतिवेदन छलफलका लागि प्रदेश मामिला तथा कानून समितिमा गएको छ । तर, प्रदेशसभाको बैठक प्रमुख प्रतिपक्ष दल एमालेले निरन्तर् अवरुद्ध तथा बहिष्कार गर्दै आएको छ । आइतबारको बैठक सुरू हुनसाथ एमाले सांसदहरूले नाराबाजी गर्दै रोष्टम घेराउ गरेका थिए ।
त्यसअघि सभामा बोल्दै एमाले प्रदेश सभा सांसद तुल्सी चौधरीले सूर्य चिन्हबाट निर्वाचित सांसद अजय शाही र विमला वलीलाई पदमुक्त नगर्दासम्म बैठक चल्न नदिने बताएका थिए । एमालेको नाराबाजीपछि आधा घण्टाका लागि बैठक स्थगित गरिएको थियो । त्यसपछि बसेको बैठक भने प्रतिपक्ष दल एमालेले बहिष्कार गरेको थियो । प्रदेशसभाको अर्को बैठक कार्तिक २८ गते बस्नेछ ।

76

प्रतिक्रिया

खबर सबै

सांसद आचार्य टोलटोलमै राय, संकलन र विकास योजनामाथि छलफल

लुम्बिनी प्रदेश सबै

लुम्बिनी प्रदेशसभामा दुई विधेयक पेस

साझा अपडेट

MENU