बेलायतमा एकै दिन ४९ हजार बढी सङ्क्रमित, दैनिक एक लाखसम्म पुग्ने

एजेन्सी

बेलायतमा पछिल्लो २४ घण्टामा ४९ हजार १३९ जना कोरोना सङ्क्रमित थपिएको ‘डिपार्टमेन्ट अफ हेल्थ एण्ड सोशल केयर’ ले जानकारी दिएको छ । दैनिक सङ्क्रमित सङ्ख्या एक लाखसम्म पुग्ने स्वास्थ्य मन्त्री साजिद जाविदले बुधबार साँझको कोरोना अपडेट प्रेस ब्रिफिङमा बताए ।

विगत आठ दिनदेखि दैनिक सङ्क्रमितको सङ्ख्या ४० हजार भन्दा माथि रहँदै आएको छ । गत जनवरीमा कोरोना सङ्क्रमणको दोस्रो लहर चलिरहँदा दैनिक सङ्क्रमित सङ्ख्या ५० हजार भन्दा माथि रहेको थियो । सङ्क्रमित सङ्ख्याको सबैभन्दा उच्चतम बिन्दु ८ जनवरीमा ६८ हजार ५३ पुगेको थियो । बेलायतमा हालसम्म सङ्क्रमित हुनेको कुल सङ्ख्या ८५ लाख ८९ हजार ७३७ पुगेको छ ।

यसैगरी कोरोनाका कारण बितेको २४ घण्टामा १७९ जनाको ज्यान गएको स्वास्थ्य विभागले जनाएको छ । अघिल्लो दिन पछिल्लो सात महिनायताकै सबैभन्दा बढी २२३ जनाको मृत्यु भएको थियो।थपिएका नयाँ सङ्क्रमितसँगै बेलायतमा कोरोनाका सङ्क्रमणका कारण ज्यान गुमाउनेको सङ्ख्या एक लाख ३९ हजार नाघेको छ । कोरोना सङ्क्रमणको दोस्रो लहर आउँदा गत जनवरी २० मा एकै दिन एक हजार ८२० जनाको मृत्यु भएको थियो ।

सङ्क्रमण दर तीव्र रूपमा बढ्दै गएपछि स्वास्थ्य मन्त्री जाविदले सङ्क्रमण फैलिन नदिन सम्भव भएसम्म आउटडोर मिटिङ गर्न आग्रह गरेका छन् । यदि घरभित्र मिटिङ गर्न परेमा झ्याल खुला राख्न र भीडभाडमा मास्कको प्रयोग गर्न पनि अनुरोध गरेका छन् । साथै प्रत्येक हप्ता र्यापिड टेष्ट गर्न पनि उनको सुझाव छ ।

बेलायतमा हालसम्म कोरोनाविरुद्धको ९ करोड ४९ लाख ३९ हजार ८४ डोज खोप वितरण भइसकेको छ । जसमध्ये चार करोड ९५ लाख ५ हजार ३२७ जनाले खोपको पहिलो डोज र ४ करोड ५४ लाख ३३ हजार ७५७ जनाले खोपको दुवै डोज लगाइसकेको तथ्याङ्कमा उल्लेख छ । यसका साथै बेलायतमा हाल खोपको तेस्रो अर्थात् बुष्टर डोज पनि सुरु गरिएको छ । हालसम्म करिब ४० लाख मानिसहरूले बुष्टर डोज लगाइसकेका छन् ।

खबर सबै

भाइटीकाले दाजुभाइ तथा दिदीबहिनीबीचको आत्मीयतालाई प्रगाढ बनाउँछ : प्रधानमन्त्री बालेन

• 

  आज भाइटीका, उत्तम साइत बिहान ११ः०७ बजे

• 

  बाणगंगामा जुवाको खालमा प्रहरीको छापा, ११ जना रंगेहात पक्राउ

• 

  वैकल्पिक राजनीतिको बहस उठाउँदै ‘लेखक खनाल’को पाँचौँ पुस्तक प्रकाशनको तयारीमा

• 

  नालामा जमेको पानीमा डुबेर दुई बालकको मृत्यु

• 

  कपिलवस्तुमा तिहार लक्षित सुरक्षा योजना, देउसीभैलो राति ९ बजे सम्म मात्रै

• 

  एनपीएलमा आज एक खेल, काठमाडौँ र लुम्बिनी आमने सामने

• 

  नालामा जमेको पानीमा डुबेर दुई बालकको मृत्यु

• 

  कपिलवस्तुमा तिहार लक्षित सुरक्षा योजना, देउसीभैलो राति ९ बजे सम्म मात्रै

• 

  एनपीएलमा आज एक खेल, काठमाडौँ र लुम्बिनी आमने सामने

• 

  आज काग तिहार मनाइँदै, यमपञ्चक सुरु

• अर्घाखाचीमा पहिलो पटक देखियो दुर्लभ काँडे भ्याकुर

• 

  कृष्णनगरका २६९ परिवारको जग्गामा कानुनी स्वामित्व सुनिश्चित

लुम्बिनी प्रदेश सबै

लुम्बिनी प्रदेशका सभामुखसहित पाँच जनालाई जालसाजी मुद्दा

• 

  रास्वपा प्रवेश गरेका विजयनगरका उपाध्यक्ष र वडा अध्यक्षको पद रिक्त

• 

  भारी वर्षाको पूर्वानुमानपछि लुम्बिनीमा १६ सयभन्दा बढी तालिम प्राप्त सशस्त्र प्रहरी परिचालन