कपिलवस्तुमा कोरोना परिक्षणको दायरा घटदा संक्रमण भित्रभित्रै फैलदैँ

कपिलवस्तु ।

कपिलवस्तु जिल्लामा पछिल्लो पटक निषेधाज्ञा केही खुल्ला गरिएसँगै नागरिकहरुको चहलपहल सामान्य जस्तै बनेको छ । तर यो समयमा पनि जिल्लामा कोरोना संक्रमितहरु भने पहिचान भईरहेका छन् । बजारक्षेत्रहरु सामान्य रुपमा संचालन भएका छन्, मठमन्दिरमा पुजाआजाका कार्यक्रम निर्वाधरुपमा संचालन भएका छन् भने होटल तथा वित्तिय संस्थाहरु पनि नियमित संचालनमा छन् । सामुदायिक र संस्थागत विद्यालयहरु मात्रै अहिले संचालनको अनुमति नपाउन बन्द भए पनि टिउसन सेन्टर र इन्सिच्युटहरुले आफ्ना गतिविधि संचालन गरीरहेका छन् ।

जिल्ला प्रशासन कार्यालयको सुचना अनुसार इन्सिच्युटहरु पनि संचालनमा रोक लगाएको छ । अहिले जिल्लाका सबै स्थानीय तहका सवास्थ्य शाखाहरुलाई कोरोना जाँचका लागि आवश्यक पिसिआर र एन्टिजेन परिक्षण किट उपलब्ध छ । तर स्थानीय तहहरुले परिक्षणलाई भन्दा खोप कार्यक्रमलाई बढी जोड दिएका छन् । कपिलवस्तुमा अहिले सम्म एष्ट्राजेनेकाको कोभिशिल्ड खोप, जोनसन एण्ड जोन्सनको जोन्सन खोप र चिनिया कम्पिनीको भेरोशिल खोप नागरिकहरुलाई दिइएको छ । देशभर कोरोना संक्रमणको ग्राफ दैनिक बढिरहँदा कपिलवस्तुमा पनि संक्रमण पुष्टी नियमित हुने गरको स्वास्थ्य कार्यालयको तथ्याङ्कले देखाउँछ ।

अहिले कपिलवस्तुमा कोरोनाका सक्रिय संक्रमितको संख्या १५५ जना रहेको छ । कुल ५ सय सक्रिय संक्रमित पुगे मात्रै निषेधाज्ञामा कडाई गर्ने सिसिएमसीले निर्देशन गरेको छ । कपिलवस्तुमा हाल सम्म कोरोनाका कारण कुल १ सय ९८ जनाको ज्यान गएको छ । हाल दैनिक ८ देखि १० जनाको दरले संक्रमितहरु पुष्टि हुने गरको स्वास्थ्य कार्यालयका कोरोना फोकल पर्सन उमेश घिमिरेले बताउनुभयो । कोरोना परिक्षणको दायरा घटदा संक्रमण पनि घटेको र दायरा बढाउदै जाँदा संक्रमण पनि बढ्ने उहाँको भनाई छ । स्थानीय तहहरुले परिक्षण कम गरेका कारण बिरामीहरु परिक्षणको दायरामा आउन नसकेको देखिएको छ । यद्यपी अर्घाखाँची र रुपन्देहीमा दिनहुँ संक्रमण हुने दर र मृत्यु दर समेत बढ्दै जाँदा कपिलवस्तुमा पनि कारोनाको जोखिम उच्च रहेको रहेको छ ।