बाणगंगामा पहिलो पटक कुष्ठरोग र हात्तिपाईलेबाट प्रभावित बिरामीहरुका लागि स्वयम हेरचाह तालिम प्रदान

कपिलवस्तु ।।

कपिलवस्तुको बाणगंगा नगरपालिकामा पहिलो पटक कुष्ठरोग र हात्तिपाईलेबाट प्रभावित बिरामीहरुका लागि स्वयम हेरचाह तालिम प्रदान गरिएको छ ।

मोतिपुर स्वास्थ्य चौकीमा आयोजित तीन दिने तालिममा बाणगंगा नगरपालिका वडा नम्बर ७ र ८ का कुष्ठ रोग तथा हात्तिपाईले प्रभावित बिरामीहरुको सहभागिता रहेको थियो । विषेश गरी उनीहरुलाई घरमै रहँदा आफुले आफ्नो ख्याल कसरी गर्ने, रोगको असर बढ्न नदिन आफैले गर्न सकिने स्वास्थ्य गतिविधिको बारेमा जानकारी गराइएको मोतिपुर स्वास्थ्य चौकी प्रमूख हिमलाल घिमिरेले जानकारी दिनुभयो ।

शनिबार देखि संचालित तालिमको मंगलबार समापन गर्दै बाणगंगा नगरपालिका शिक्षा शाखा प्रमूख बाबुराम भट्टराइले कुष्ठरोग निवारण र हात्तिपाईले रोकथामका लागि चुनौतिपूर्ण स्थिति सिर्जना भईरहेका बेला बाणगंगामा पहिलोपटक मोतिपुर स्वास्थ्य चौकीले स्वयम हेरचाह तालिम प्रदान गर्नु नगरपालिका कै नविन कार्यक्रम रहेको बताउनुभयो ।

वडा नम्बर ८ का वडा अध्यक्ष तथा मोतिपुर स्वास्थ्य चौकी व्यवस्थापन समितिका अध्यक्ष गुणानिधि भुषालको अध्यक्षता सहित कार्यक्रममा शिक्षा शाखा प्रमूख भट्टराईको प्रमूख आतिथ्यता रहेको थियो । यस्तै नगरपालिकाका स्वास्थ्य शाखा प्रमूख ठगराज पौडेलको आतिथ्यता सहित तालिमको मोतिपुर स्वास्थ्य चौकी प्रमूख हिमलाल घिमिरेले सहजिकरण सहित संचालन गर्नुभएको थियो ।
आधारभूत स्वास्थ्य परियोजना, कालिका स्वावलम्बन केन्द्र कपिलवस्तुको सहयोगमा मोतिपुर स्वास्थ्य चौकीले आयाजना गरेको सो तालिममा कुष्ठरोग र हात्तिपाईलेबाट प्रभावित २८ जनाको सहभागिता रहेको थियो ।

खबर सबै

बाणगंगामा जुवाको खालमा प्रहरीको छापा, ११ जना रंगेहात पक्राउ

• 

  वैकल्पिक राजनीतिको बहस उठाउँदै ‘लेखक खनाल’को पाँचौँ पुस्तक प्रकाशनको तयारीमा

• 

  नालामा जमेको पानीमा डुबेर दुई बालकको मृत्यु

• 

  कपिलवस्तुमा तिहार लक्षित सुरक्षा योजना, देउसीभैलो राति ९ बजे सम्म मात्रै

• 

  एनपीएलमा आज एक खेल, काठमाडौँ र लुम्बिनी आमने सामने

• 

  आज काग तिहार मनाइँदै, यमपञ्चक सुरु

• अर्घाखाचीमा पहिलो पटक देखियो दुर्लभ काँडे भ्याकुर

• 

  एनपीएलमा आज एक खेल, काठमाडौँ र लुम्बिनी आमने सामने

• 

  आज काग तिहार मनाइँदै, यमपञ्चक सुरु

• अर्घाखाचीमा पहिलो पटक देखियो दुर्लभ काँडे भ्याकुर

• 

  कृष्णनगरका २६९ परिवारको जग्गामा कानुनी स्वामित्व सुनिश्चित

• 

  एनपीएलमा सट्टेबाजी गरेको आरोपमा भारतीय नागरिक पक्राउ

• 

  लुम्बिनी शीर्ष स्थानमा उक्लियो, पोखरा आठ विकेटले पराजित

लुम्बिनी प्रदेश सबै

लुम्बिनी प्रदेशका सभामुखसहित पाँच जनालाई जालसाजी मुद्दा

• 

  रास्वपा प्रवेश गरेका विजयनगरका उपाध्यक्ष र वडा अध्यक्षको पद रिक्त

• 

  भारी वर्षाको पूर्वानुमानपछि लुम्बिनीमा १६ सयभन्दा बढी तालिम प्राप्त सशस्त्र प्रहरी परिचालन