फिफा वरीयता : नेपाल १७१ औं स्थानमा यथावत

काठमाडौं

विश्व फुटबलको सर्वोच्च निकाय फिफाको वरीयतामा नेपाल यथावत रहेको छ ।

फिफाले बिहीबार सार्वजनिक गरेको नयाँ वरीयतामा नेपाल ९ सय ६७ दशमलव ८८ अंकसहित १ सय ७१ औं स्थानमा यथावत रहेको हो ।

गत महिना पनि नेपाल १७१ औं स्थानमै रहेको थियो । नेपालले गत चैतमा घरेलु मैदानमा त्रिदेशीय फुटबल खेल्दै बंगलादेशलाई हराएर उपाधि जितेको थियो ।

विश्वकप र एसिया कप छनोटका लागि तयारी गरिरहेको नेपालले शनिबार इराकसँग मैत्रीपूर्ण खेल खेल्दैछ । यो खेलमा लागि हिजो नै नेपाली टिम इराक पुगिसकेको छ ।

यो खेलपछि विश्वकप छनोटमा खेल्न बाँकी जोर्डन, चाइनिज ताइपेइ र अष्ट्रेलियासँगको खेलमा नेपाललाई सहज हुने अनुमान गरिएको छ ।

फिफा वरियतामा बेल्जियम शीर्ष स्थानमा रहँदा फ्रान्स दोस्रो तथा ब्राजिल तेस्रो स्थानमा रहेको छ ।

दक्षिण एसियामा भारत पहिलो, माल्दिभ्स दोस्रो र नेपाल तेस्रो स्थानमा छ ।

111

प्रतिक्रिया