आज र भोलि सचेत रहनू : जल तथा मौसम विज्ञान विभाग

काठमाण्डाै

बुधवार (आज) र भोलि (बिहीवार) देशका विभिन्न ठाउँमा ठूलो पानी पर्ने भएकाले सतर्क रहन जल तथा मौसम विज्ञान विभागले अनुरोध गरेको छ । विभागले विशेष मौसमी बुलेटिन निकालेर भारतमा आएको ‘ताउ–ते’ चक्रवातका कारण आज कर्णाली र सुदूरपश्चिम प्रदेश तथा भोलि कर्णाली, सुदुरपश्चिम, गण्डकी र लुम्बिनी प्रदेशका केही ठाउँमा ठूलो पानी पर्ने सम्भावना रहेको भन्दै सचेत रहन आग्रह गरेको हो ।

प्रदेश १, प्रदेश २ र वागमती प्रदेशका केही ठाउँमा पनि मध्यम तथा ठूलो पानी पर्न सक्ने विभागकाे अनुमान छ । विभागले मेघगर्जन, चट्याङ, हावाहुरी, असिना–पानी तथा नदीहरूमा बाढीको समेत सम्भावना रहेकाले आवश्यक सतर्कता अपनाउन अनुरोध गरेको छ ।

पूर्वी–मध्य अरब सागरमा विकसित शक्तिशाली समुद्री आँधी ताउ–ते सोमवार भारतको गुजरातमा बज्रिएपछि कमजोर भए पनि नेपालमा पर्सी शुक्रवारसम्म प्रभाव देखिने मौसम पूर्वानुमान महाशाखाकी मौसमविद् शान्ति कँडेलले बताउनुभयो ।

यस्तै विभागले उच्च पहाडी तथा हिमाली क्षेत्रमा हिउँ पर्न थालिसकेकाले यो समयमा पर्वताराेहण नगर्न/नगराउन पनि आग्रह गरेको छ । केही ठाउँमा बाक्लो हिमपातसमेत हुन सक्ने भएकाले आरोहणमा गएकाहरूलाई सुरक्षित रहन विभागको आग्रह छ ।

यसअघि आज र भोलि सगरमाथा आरोहणका लागि मौसम अनुकूल अर्थात् ‘समिट विन्डो’ देखिएकोले त्यसका लागि झण्डै दुई सय जना आरोही पहिलो तथा दोस्रो शिविरमा पुगिसकेका थिए । उनीहरूलाई त्यहीँ बस्न वा सम्भव भएमा आधार शिविरमा झर्न भनिएको आधार शिविर सम्पर्क अधिकृत ज्ञानेन्द्र श्रेष्ठले बताउनुभयो ।

पहिलो र दोस्रो शिविरलाई तुलनात्मक रूपमा सुरक्षित मानिन्छ । दोस्राे शिविरबाट आधार शिविर फर्कन भने कठिन आइसफल भएकाले जोखिमयुक्त हुन्छ । यस वर्ष सगरमाथा आरोहणका लागि चार सय आठ जनाले अनुमति लिएकामा आधाभन्दा धेरै अनुकूल मौसमको पर्खाइमा छन् ।

खबर सबै

डब्लुएचओद्वारा एक लाख ५० हजार अमेरिकी डलर बराबरको सहयोग प्रदान

• 

  एसिसी प्रिमियर कपः उपाधिसँगै एसिया कपमा स्थान बनाउने नेपालको लक्ष्य

• 

  बाढीको वितण्डा : अठार जनाको शव बुटवलमा

• 

  दुना–टपरी व्यवसायले बदलिँदै महिलाको जीवन

• 

  भारतले चौथो पटक पठायो प्राविधिक टोलीसहित राहत सामग्री

• 

  भोटेकोसी बाढी : मृत्यु हुनेको संख्या ७३४ पुग्यो, २४ सय ९८ जना अझै सम्पर्कविहीन

• 

  भोटेकोशी बाढी: सम्पर्कविहीन हुनेको संख्या बढ्दै

• 

  भारतले चौथो पटक पठायो प्राविधिक टोलीसहित राहत सामग्री

• 

  भोटेकोसी बाढी : मृत्यु हुनेको संख्या ७३४ पुग्यो, २४ सय ९८ जना अझै सम्पर्कविहीन

• 

  भोटेकोशी बाढी: सम्पर्कविहीन हुनेको संख्या बढ्दै

• 

  जितपुरमा खुल्यो ‘६५ रेस्टुरेन्ट एण्ड क्याफे’ : एउटै ठाउँमा खाजादेखि थकाली खानाकाे स्वाद

• 

  भलवाड सिकाई केन्द्रको १४औँ वार्षिक साधारण सभा सम्पन्न

• 

  तीन वर्षीय बालिकाको सिंचाइ कुलोमा डुबेर मृत्यु

लुम्बिनी प्रदेश सबै

दैवीप्रकोप उद्धार कोषमा लुम्बिनी सरकारको तीन करोड सहयोग

• 

  अम्बिका काफ्लेलाई लुम्बिनी प्रदेशसभा सदस्यबाट हटाउन सिफारिस

• 

  लुम्बिनीमा सवारी दुर्घटनाको मुख्य कारण तीव्र गति, साउनमा ३५ जनाको मृत्यु