बाणगंगामा बैशाख १२ बाट बार्षिक परीक्षा संचालन हुने

कपिलवस्तु ।

देशभर कोरोना भाईरस अर्थात कोभिड –१९ को दोस्रो लहर सुरु हुने जोखिम बढेपछि कपिलवस्तुको वाणगंगा नगरपालिका अन्तरर्गतका विद्यालयमा वार्षिक परीक्षा छिटो हुने भएको छ ।

आज नगरपालिका अन्तरर्गत प्रधानाध्यापकहरु सहित बसेको बैठकले यहि बैशाख १२ गते देखि नगर स्तरिय सबै तहका परीक्षा संचालन गर्ने निर्णय गरेको हो ।

कोरोना संक्रमणको उच्च जोखिममा विद्यालय र बालबालिका बढी पर्ने देखिएपछि कोरोनाले निम्ताएको जटिल परिस्थितिले वार्षिक परीक्षा छिटो गर्नुपरेको नगरपालिकाका शिक्षा शाखा प्रमूख बाबुराम भट्टराईले बताउनुभयो । स्वास्थ्य तथा जनसंख्या मन्त्रालयले बिहिबार मात्रै कपिलवस्तुका दुई छिमेकी जिल्ला कोरोनाको जोखिममा रहेको भन्दै विद्यालय नजान र भिडभाड नगर्न आग्रह गरे सँगै कपिलवस्तुमा सावधानी अपनाइएको हो ।

आउँदो जेठ महिनामा वार्षिक परीक्षा संचालन गर्ने पुर्व निर्धारीत तालिका रहे पनि बाणगंगा नगरपालिकामा बैशाख १२ गते बाटै नगरभरका सबै विद्यालयमा दुई चरणमा परीक्षा संचालन गर्ने गरी सम्बन्धित सबै विद्यालयहरुलाई नगरपालिकाले निर्देशन गरेको छ ।

नगरपालिकाको निर्देशन सँगै नगरपालिका भित्रका विद्यालयहरुले परीक्षा संचालनको तयारी थालेका छन् । परीक्षा अवधिभर पनि कोरोना संक्रमणको जोखिमबाट बच्ने स्वास्थ्य सुरक्षा सावधानीका सबै उपायहरु अपनाउन आग्रह गरिएको छ ।

116