काठमाडौं, १४ पुस । छिमेकी मुलुक भारतमा नयाँ प्रजातिको कोरोना भाइरस फेला परेको छ । बेलायतमा फैलिइरहेको कोरोना भाइरसको नयाँ प्रजातिबाट ६ जना संक्रमित बिरामी भारतमा भेटिएको भारतीय सञ्चारमाध्यम एनडी टिभीले जनाएको छ ।

कोरोना परीक्षणको क्रममा ६ जनामा नयाँ प्रजातिको कोरोना भाइरसको संक्रमण भेटिएको हो ।

यस्तो भाइरस गत नोभेम्बर २५ देखि डिसेम्बर २४ सम्ममा बेलायतबाट हालसालै भारत फर्किएका ३३ हजार यात्रुको परीक्षण गर्दा भेटिएको हो । तीमध्ये ११४ जनामा कोरोना संक्रमण पुष्टि भएको र केवल ६ जनामा बेलायतमा देखिएको कोरोनाको नयाँ प्रकार (भेरिएन्ट) को संक्रमण पुष्टि भएको भारतीय सञ्चार माध्यमले जनाएको छ ।