शुक्रबारदेखि सम्पर्कविहिन बनेका पुर्व मेयर सिंहको अन्तत शव फेला

कपिलवस्तु | तीन दिनदेखि बेपत्ता रहेका कपिलवस्तुका पूर्वमेयर किरण सिंहको अन्तत शव फेला परेको छ।

पूर्वमेयर सिंहको आइतबार मध्याह्न शव फेला परेको जिल्ला प्रहरी कार्यालय कपिलवस्तुका एसपी मनोहरप्रसाद भट्टले जानकारी दिए।
उनको शव केहीबेर अगाडि फेला परेको छ,’ उनले भने, ‘घटनाबारे अनुसन्धान गरिरहेका छौं।’

६५ वर्षीय सिंह शुक्रबार दिउँसोदेखि बेपत्ता थिए। उनको तालिम प्राप्त कुकुरसहित नेपाल प्रहरी, शसस्त्र प्रहरी तथा स्थानीयको सक्रियतामा खोजि कार्य गरिएको थियो ।

उनले शुक्रबार आफूले बाटो बिराएको भन्दै व्यवसायिक साझेदार तथा आफन्तलाई सम्पर्क गरेका भनिएको थियो । उनले जहाँबाट सम्पर्क गरेको क्षेत्र भनिएको थियो सोही आसपासबाट नै उनको शव फेला परेको एसपी भट्टले बताए । सिंह २०७४ सालमा कपिलवस्तु नगरको मेयरमा कांग्रेसबाट निर्वाचित भएका थिए।