लायन्स क्लव अफ कपिलवस्तु : वृक्षरोपण गरी वर्ष २०२६/२७ को सेवायात्रा सुभारम्भ

साझाकुरा, कपिलवस्तु | लायन्स क्लव अफ कपिलवस्तुले आइतबार वृक्षरोपण कार्यक्रम गरेको छ । क्लवको नवौँ पद हस्तान्त्रणबाट निर्वाचित लायन्स वर्ष २०२६/२७ को कार्यसमितिले आफ्नो पहिलो कार्यक्रम अन्र्तगत वृक्षरोपण गरि औपचारिक कार्यक्रम यात्राको सुरुवात गरेको हो ।

लायन्स क्लव अफ कपिलवस्तुको आयोजना तथा लियो क्लव अफ कपिलवस्तु, लायन्स क्लव अफ कपिलवस्तु दिदीबहिनी र लायन्स क्लव अफ कपिलवस्तु स्टारसमेतको सह आयोजना तथा समन्वयमा वृक्षरोपण गरिएको लायन्स क्लव अफ कपिलवस्तुका सचिव प्रेम पाण्डेले जानकारी दिएका छन् ।

क्लवले श्रृङ्गीघाट सिँचाई आयोजनाको मुलनहर परिसर बाणगंगा २ कपिलवस्तुमा गरिएको वृक्षरोपणमा वडा नम्बर २ का वडा अध्यक्ष विष्णु पौडेलसहितका सामाजिक व्यक्तिहरुको उपस्थिती रहेको थियो । उक्त स्थानमा विभिन्न प्रजातिका ५० बढी बिरुवाहरु लगाइएको क्लवले जानकारी दिएको छ ।

कार्यक्रममा वडा अध्यक्ष तथा बाणगंगा नगरपालिकाका नगर प्रवक्ता विष्णु पौडेलले लायन्स क्लवले सामाजिक विकास अन्र्तगत अत्यन्तै सक्रियताका साथ राम्रा कार्यक्रमहरु गरिरहेको भन्दै खुसी व्यक्त गरे । उनले आगामी दिनमा पनि सामाजिक क्षेत्रका सचेतना जगाउने र नागरिकहरुको सेवारत पक्षका कार्यक्रमलाई अझ प्रभावकारी बनाउन पनि आग्रह गरे ।

कार्यक्रम लायन्स क्लव अफ कपिलवस्तुका वर्ष २०२६/२७ का अध्यक्ष लायन सुमन क्षेत्रीको अध्यक्षता तथा कार्यक्रम संयोजक लायन दामोदर पन्थीको संयोजकत्व र सचिव प्रेम पाण्डेको संचालनमा सम्पन्न भएको थियो ।

लायन्स क्लव अफ कपिलवस्तुले वर्ष २०२६/२७ को पहिलो कार्यक्रम वृक्षरोपण गरि सुरुवात गरेको हो । लायन्स इन्टरनेश्नल डिस्ट्रिक ३२५ पी नेपाल अन्र्तगत लायन्स क्लव अफ कपिलवस्तु देशभरमै सर्वाधिक चर्चामा रहने र उत्कृष्ट क्लवहरु मध्ये एक बन्दै आएको छ । क्लवले हरेक वर्ष रचनात्मक र सचेतनामुलक विविध कार्यक्रम गर्दै डिष्ट्रिकबाट पुरस्कृत समेत हुँदै आएको छ ।

कार्यक्रममा लायन्स क्लव अफ कपिलवस्तुका पुर्व अध्यक्षहरु, लायन सदस्यहरु लगाएतको सहभागिता तथा उपस्थिति रहेको थियो ।