२१ खर्ब २४ अर्ब ३४ करोड रुपैयाँको बजेट घोषणा

सरकारले आगामी आर्थिक वर्ष २०८३/८४को आकार बढाएर बजेट २१ खर्ब २४ अर्ब ३४ करोड रुपैयाँको घोषणा गरिएको छ ।  

अर्थमन्त्री डा.स्वर्णिम वाग्लले स्रोतको चापका बीच बजेटको आकार बढाएका छन् । मध्यमवर्ग, निजी क्षेत्र, कर्मचारीका लागि लोकप्रिय कार्यक्रम ल्याए पनि राजस्वको स्रोत कमजोर हुँदा पनि बजेटको आकार बढाएका छन् ।  

राष्ट्रिय योजना आयोगले गत फागुनमा दिएको सिमा भन्दा ठूलो आकारको बजेट ल्याएका छन् । आर्थिक वर्ष २०८३/८४ का लागि करिब १८ खर्ब ९० अर्ब रुपैयाँको सिलिङ तोकिएको थियो ।  

चालूतर्फ १२ खर्ब ७० अर्ब ५८ करोड अर्थात् ५९.८ प्रतिशत बजेट विनियोजन गरिएको छ । त्यसैगरी पुँजीगततर्फ ४ खर्ब ३१ अर्ब १० करोड अर्थात् कुल विनियोजनको २०.३ प्रतिशत तथा वित्तीय व्यवस्थापनतर्फ ४ खर्ब २२ अर्ब ६४ करोड अर्थात् १९.९ प्रतिशत बजेट विनियोजन भएको छ ।