कपिलवस्तुमा राजस्व छलीको ट्रकसहित सामान प्रहरीको नियन्त्रणमा

कपिलवस्तुको बुद्धभुमी नगरपालिका २ गोरुसिंगेमा राजस्व छली गरी ल्याइएको ट्रकसहित सामान प्रहरीले नियन्त्रणमा लिएको छ ।

सोही घटनामा प्रहरीले दाङको घोराही उप महानगरपालिका ३ का छबीलाल घर्ती मगरलाई समेत नियन्त्रणमा लिएको हो ।

पश्चिमबाट पूर्वतर्फ ल्याईएको ६० लाख बढीको माल सामानमा राजस्व छली गरेको आरोपमा प्रहरीले ना ६ ख ३९७७ नम्बरको ट्रक समेत नियन्त्रणमा लिएको हो ।

सामानको मुल्य फरक रहेको भन्ने गोप्य सुचनाका आधारमा प्रहरीले जिरा खुर्सानी, कपडा र जुत्ता सहीत ६० लाख ४१ हजार ५ सय ४८ रुपैयाको बराबरको सामान र ट्रकको मुल्य ७० लाख कायम गरी आवश्यक कारबाहीकालागि राजस्व अनुसन्धान कार्यालय बुटवल पठाइएको प्रहरी नायब उपरीक्ष रिपेन्द्र कुमार सिंहले बताए ।