शिक्षा क्षेत्रलाई प्रभावकारी बनाउन महावीर पुनले गराए सरकारको ध्यानाकर्षण

प्रतिनिधिसभाका स्वतन्त्र सांसद महावीर पुनले नेपालको शिक्षा क्षेत्रलाई प्रभावकारी बनाउनमा ध्यान दिन सरकारको ध्यानाकर्षण गराएका छन् ।

बिहीबार प्रतिनिधिसभा बैठकमा धारणा राख्दै सांसद पुनले आफू शिक्षामन्त्री हुँदा शिक्षा क्षेत्रलाई प्रभावकारी बनाउन अघि सारेका योजनाहरूलाई अघि बढाउन सरकारलाई ध्यानाकर्षण गराएका हुन् ।

चार महिनासम्म मन्त्री भए र मन्त्रीको रुपमा काम गर्दा अनेकौँ समस्याहरू चरम राजनीतिकरण र विकृतिहरू देखेको भन्दै उनले विकृतिहरूलाई हटाएर विद्यालय, कलेज र विश्व विद्यालयहरूमा विशुद्ध शैक्षिक वातावरण बनाउन आफूले अधिकतम प्रयास गरेको धारणा राखे ।

उनले आफू राजनीतिज्ञभन्दा समाजसेवीका रुपमा प्रस्तुत हुने उल्लेख गरे ।