सडकबाट लडेर वृद्धको मृत्यु

गुल्मी । गुल्मीको रेसुंगा नगरपालिका–३, भाडगाउँमा सडकबाट लडेर एकजनाको मृत्यु भएको छ ।

शनिबार (चैत ७) दिउँसो करिब २ः०० बजे सदरमुकाम तम्घासदेखि गौशालातर्फ जाने क्रममा अचानक सडकबाट झन्डै १० मिटर तल खस्दा स्थानीय ७५ वर्षीय ज्ञानेश्वर पाण्डेको मृत्यु भएको हो ।

जिल्ला प्रहरी कार्यालयका सूचना अधिकारी एवं डीएसपी गंगाबहादुर सारुले घटनास्थलमा नै पाण्डेको मृत्यु भएको जानकारी दिए ।

स्थानीयले घटनाबारे प्रहरीलाई जानकारी गराएका थिए । घटनाबारे थप अनुसन्धान भइरहेको उनले बताए । रासस