अमृते सामुदायिक वनमा ‘हस्तकला सामग्री उत्पादन’का लागि ३० दिने ‘सिपमूलक तालिम’ सुरु

साझाकुरा, कपिलवस्तु — स्थानीय स्रोत र साधनको सदुपयोग गर्दै रोजगारी सिर्जना गर्ने उद्देश्यले कपिलवस्तुको बाणगंगा नगरपालिका वडा नम्बर ९ भर्तापुरमा “बाँसबाट बन्ने हस्तकलाका विभिन्न सामग्री उत्पादन सम्बन्धी ३० दिने सिपमूलक तालिम” सोमबार सुरु गरिएको छ।
“स्थानीय स्रोत र साधन, रोजगारी सृजनाको प्रमुख आधार” भन्ने नाराका साथ अमृते सामुदायिक वन उपभोक्त समुहको आयोजना तथा ओम राजश्री मल्टी एग्रो प्रा.लिको प्राविधिक सहयोगमा सञ्चालन गरिएको उक्त तालिमले स्थानीय युवायुवती तथा महिलालाई सीप सिकाएर आत्मनिर्भर बनाउने लक्ष्य राखेको आयोजक संस्थाले जनाएको छ।
वनका अनुसार तालिम २०८२ फागुन २५ गतेदेखि २०८२ चैत २४ गतेसम्म सञ्चालन हुने छ। तालिम बाणगंगा नगरपालिका–९, कपिलवस्तुमा सञ्चालनमा ल्याइएको हो । उक्त तालिमका माध्यमबाट सहभागीहरूलाई बाँसको प्रयोग गरी टोकरी, डालो, डोको, मुढा, सजावटी सामग्री, घरायसी प्रयोगका सामग्री लगायत बजारमा बिक्री गर्न सकिने विभिन्न हस्तकलाका वस्तु उत्पादन गर्ने सीप प्रदान गरिने सामुदायिक वनका अध्यक्ष योगेन्द्र पौडेलले जानकारी दिएका छन् । तालिममा बाँसको छनोट, काट्ने तरिका, प्रशोधन, डिजाइन बनाउने सीप तथा बजार व्यवस्थापनसम्बन्धी ज्ञानसमेत दिइने प्रशिक्षकहरूले बताएका छन्।
स्थानीय स्तरमै सहज रूपमा पाइने बाँसलाई उपयोग गरेर हस्तकला सामग्री उत्पादन गर्न सकिने भएकाले यसले घरेलु तथा साना उद्योगको विकासमा टेवा पुग्नुका साथै बेरोजगार युवायुवतीलाई स्वरोजगार बन्न सहयोग गर्ने अपेक्षा गरिएको छ।
कार्यक्रममा बोल्ने वक्ताहरूले नेपालमा परम्परागत रूपमा प्रयोग हुँदै आएको बाँसजन्य हस्तकलालाई आधुनिक डिजाइन र बजारसँग जोड्न सके राम्रो आम्दानीको स्रोत बन्न सक्ने बताए। यस्ता सिपमूलक तालिमले विशेषगरी ग्रामीण क्षेत्रका युवायुवती र महिलालाई आर्थिक रूपमा सबल बनाउन महत्वपूर्ण भूमिका खेल्ने उनीहरूको धारणा थियो।
आयोजक संस्थाले तालिममा सहभागीहरूले सिकेको सीपलाई व्यवहारमा उतार्दै उत्पादनलाई बजारसम्म पु¥याउन सके स्थानीय स्तरमै उद्यमशीलता विकास हुने विश्वास व्यक्त गरेको छ। साथै भविष्यमा पनि यस्ता सिपमूलक तथा आयमूलक तालिम कार्यक्रमहरू सञ्चालन गर्ने योजना रहेको जनाइएको छ।

खबर सबै

करिब ४० किलोमिटर लामो ‘धानखोला–लमही’ सडक स्तरोन्नति सुरू

• 

  अभावबाट उठेको हिम्मत : सानो व्यवसायले ठूलो परिवार धानेका ‘इन्द्र’

• 

  रोल्पा जिप दुर्घटनामा परी मृत्यु हुनेको संख्या २० पुग्याे

• 

  नेटवर्क नक्सामा सीमा त्रुटिपछि नेपाल एयरलाइन्सले माग्यो माफी

• 

  अमेरिकी राष्ट्रपति ट्रम्पका विशेष दूत गोर आज नेपाल आउँदै

• 

  इरानमाथिको नाकाबन्दी लम्ब्याउने तयारी, कच्चा तेलको मूल्य उच्च विन्दुमा

• 

  सुनचाँदीको मुल्य आजपनि घट्यो, तोलाको कति पुग्यो ?

• 

  अमेरिकी राष्ट्रपति ट्रम्पका विशेष दूत गोर आज नेपाल आउँदै

• 

  इरानमाथिको नाकाबन्दी लम्ब्याउने तयारी, कच्चा तेलको मूल्य उच्च विन्दुमा

• 

  सुनचाँदीको मुल्य आजपनि घट्यो, तोलाको कति पुग्यो ?

• 

  राष्ट्रपति पौडेलले अध्यादेशबारे संविधानविद्हरुसँग परामर्श गर्ने

• 

  आज विश्व नृत्य दिवस मनाइँदै, कसरी सुरु भयो यो दिवस ?

• 

  स्कुटर दुर्घटना हुदाँ वाणगंगा ९ कि निशा सहित २ जनाको मृत्यु, १ घाइते

लुम्बिनी प्रदेश सबै

लुम्बिनी प्रदेश सरकार : सानो आकारको बजेट ल्याउने तयारी

• 

  जितगढी किल्लालाई राष्ट्रिय सम्पदामा सूचीकृत गर्न पहल गरिरहेका छौँ : मुख्यमन्त्री आचार्य

• 

  विश्व शान्तिका लागि काठमाडौं-लुम्बिनी साइकल यात्रा